Video
Read full review
2021-10-17
819 views
鬼式日本菜，環境服務一流。好鐘意裝修，好有格調。一向覺得pirata group 既餐廳有一定水準。呢間位置比較無咁就腳，但都幾多人，食緊既時候長期full house 仲幾嘈。星期日Brunch Set $498一位Free flow drink list 加$250食物正常可接受，但無乜大驚喜。可能期望太高，fushion其實真係可以再大膽創新啲，所以有少少失望。First dish x 3牛肉撈臘腸油好食既，味道幾特別。咬落有米通脆卜卜都幾豐富。三道前菜最鐘意呢一樣。芝麻醬菜卷樣子味道都正常咁囉炸雞 口味末免太鬼佬好普通，醬汁偏甜、濃味，似韓國炸雞多啲，無乜日式感覺。Second dish刺身壽司拼盤 新鮮而正常水準，但份量大多，成隻船出現咁大份真係unexpected。其實淨係刺身已經夠，因為之後仲有main dish。春雞南瓜蓉雞肉嫩口，南瓜蓉加瓜子好易入口。天婦羅拼盤正常水準，四款調味鹽可以揀。份量都算幾大。刺身 (可以free flow 任叫既)生蠔細隻但新鮮既，其他都算係咁，正常水準。甜品拼盤比較令人失望喎... 似自助餐每樣夾埋一堆個種hea，最尾已經放棄咗做日本菜，
好鐘意裝修，好有格調。一向覺得pirata group 既餐廳有一定水準。呢間位置比較無咁就腳，但都幾多人，食緊既時候長期full house 仲幾嘈。
星期日Brunch Set $498一位
Free flow drink list 加$250
食物正常可接受，但無乜大驚喜。可能期望太高，fushion其實真係可以再大膽創新啲，所以有少少失望。
First dish x 3
牛肉撈臘腸油
好食既，味道幾特別。咬落有米通脆卜卜都幾豐富。三道前菜最鐘意呢一樣。
芝麻醬菜卷
樣子味道都正常咁囉
炸雞
口味末免太鬼佬好普通，醬汁偏甜、濃味，似韓國炸雞多啲，無乜日式感覺。
Second dish
刺身壽司拼盤
新鮮而正常水準，但份量大多，成隻船出現咁大份真係unexpected。其實淨係刺身已經夠，因為之後仲有main dish。
春雞南瓜蓉
雞肉嫩口，南瓜蓉加瓜子好易入口。
天婦羅拼盤
正常水準，四款調味鹽可以揀。份量都算幾大。
刺身 (可以free flow 任叫既)
生蠔細隻但新鮮既，其他都算係咁，正常水準。
甜品拼盤
比較令人失望喎...
似自助餐每樣夾埋一堆個種hea，最尾已經放棄咗做日本菜，毫無signature 。比較期待餐廳可以有自己特色甜品~
順便提下廁所，裝修係有特色同靚既，但星期日下晝就麻麻地乾淨，地下廁板濕哂個種，無哂抹手紙，可能太多顧客來不及整理。
Post
