Video
Read full review
2022-06-01
268 views
今日同朋友黎到哩間日本餐廳食廚師發辦。餐廳環境雅緻舒適，有可以望到廚師製作食物既吧枱座位、四人座位及私隱度高既單獨房間，而且店員服務態度好好，會定時幫手加茶，座位亦有提供信封放口罩✉️餐牌👇🏻✨霜omakase $1680🔸前菜：湯葉、水母刺身、二色蛋湯葉即係腐竹，上面加上Wasabi及少許醬油，質感滑溜，充滿豆香；水母刺身質感爽脆，配有同樣爽脆既青瓜片，加上土佐醋、麻油、芝麻，幾重麻油香；二色蛋白色既係蛋白，黃色既係蛋黃，配上餐廳自家製既沙律汁，質感同平時食開既雞蛋有啲唔同，幾特別。🔸蒸蛋：海參蒸蛋用上餐廳自己發既日本療參，蒸蛋滑溜，配上調味後既海參一齊食，味道剛好，最底層仲有兩片冬菇。✨時令刺身六品🔸黃金赤穗武士蠔武士蠔來自兵庫縣，蠔上放上黃金啫喱及沖繩海葡萄，先將紫蘇花穗摘落到武士蠔上再食，武士蠔帶有微咸既海水味及紫蘇花香。🔸鮫鰈魚鮫鰈魚上面加上已經燒製過既鮫鰈魚邊及餐廳醃製過既魚子，鮫鰈魚新鮮清爽，鮫鰈魚邊帶有魚油既炙燒香氣，配合埋魚子，味道好夾。🔸栗蟹蟹肉新鮮，肉質實淨，單試蟹肉會帶有淡淡栗子香味，再混合醬汁及魚子醬一齊食就會咸香啲，醬汁微酸開胃。🔸日式汁煮八爪魚八爪魚醬汁微甜
餐牌👇🏻
✨霜omakase $1680
🔸前菜：湯葉、水母刺身、二色蛋
湯葉即係腐竹，上面加上Wasabi及少許醬油，質感滑溜，充滿豆香；水母刺身質感爽脆，配有同樣爽脆既青瓜片，加上土佐醋、麻油、芝麻，幾重麻油香；二色蛋白色既係蛋白，黃色既係蛋黃，配上餐廳自家製既沙律汁，質感同平時食開既雞蛋有啲唔同，幾特別。
🔸蒸蛋：海參蒸蛋
用上餐廳自己發既日本療參，蒸蛋滑溜，配上調味後既海參一齊食，味道剛好，最底層仲有兩片冬菇。
✨時令刺身六品
🔸黃金赤穗武士蠔
武士蠔來自兵庫縣，蠔上放上黃金啫喱及沖繩海葡萄，先將紫蘇花穗摘落到武士蠔上再食，武士蠔帶有微咸既海水味及紫蘇花香。
🔸鮫鰈魚
鮫鰈魚上面加上已經燒製過既鮫鰈魚邊及餐廳醃製過既魚子，鮫鰈魚新鮮清爽，鮫鰈魚邊帶有魚油既炙燒香氣，配合埋魚子，味道好夾。
🔸栗蟹
蟹肉新鮮，肉質實淨，單試蟹肉會帶有淡淡栗子香味，再混合醬汁及魚子醬一齊食就會咸香啲，醬汁微酸開胃。
🔸日式汁煮八爪魚
八爪魚醬汁微甜，質感有嚼勁，上面放上木之芽既葉，味道清新。
🔸炙燒帶子
帶子大大粒，肉質彈牙，帶有炙燒既香氣。
🔸依佐木魚卷
新鮮既依佐木刺身包裹住新鮮海藻，面層灑上烏魚子粉。
🔸季節料理：南瓜饅頭
將南瓜整成饅頭模樣，入口味道香甜，質感紮實，裏面放上雞肉碎。
✨手握壽司8件
店員會先比濕紙巾你，到時用手或者用筷子食都可以。
間八魚、金木鯛、黑睦魚、活赤貝、活北寄貝、銀鱈魚、大吞拿魚腩、白蝦、海膽
間八魚新鮮綿軟、魚味濃；金木鯛上加上柚子，味道清新；黑睦魚質感較為清爽；活赤貝新鮮爽脆，上面加上青檸汁；活北寄貝同樣新鮮爽脆，上面加上竹炭鹽；日本銀鱈魚質感綿軟，帶有炙燒香氣，上面加上黑松露醬；大吞拿魚腩充滿油脂，上面加上淡雪鹽，入口微咸，幾特別；白蝦新鮮微黏，上面加上新鮮柚子，再用一個紫菜製作既兜兜裝住，非常特別；手卷用上北海道馬糞海膽，鮮甜好食。
🔸湯：鯛魚清湯
用鯛魚熬製而成，魚肉嫩滑，魚湯充滿魚香，入面加上蒪菜水葵，呈半透明狀，質感有啲似啫喱，有美顏功效。
🔸甜品：夕張赤肉木瓜
日本送抵香港之後等待3-4日至完全熟透，入口清甜多汁，完全係日本當地食既味道，非常好食。
整體黎講，餐廳環境雅緻舒適，食物質素亦有質素，鍾意食omakase既可以試下。
Post
