반찬앤쿡 Banchan and Cook (東薈城名店倉)

Open Now

Now Closed

東涌係美食荒漠？！絕對唔係，今日行完街之後食左呢間韓國嘢。環境舒服，食物質素高，食到飽晒咁走呀。🐔蜜糖炸雞(半份) 食韓國嘢必嗌炸雞，仲要係無骨添，夠晒方便。有一層糖粉係面，味道都好特別。仲有年糕同薯條做配菜，就唔會好單調啦。🐷燒醬油黑毛豬白切肉配大醬生菜 最好味架！五花肉好入味，夠冧，配搭生菜、芝麻葉、泡菜、辣椒大蒜同埋大醬。簡直就係無限滿足呀！🍛慢煮雞胸蛋包飯 店員會比你影左相先再係你面前將蛋包飯切開，入面嘅蛋流晒出嚟，望落去就知好滑呀。有卡邦尼蘑菇作為醬汁，口感豐富。🍰芝士蛋糕 份量啱啱好，蛋糕芝士味重，有水果配搭，唔會好膩。