Sky726

招待尚可以的。特飲OKSet Dinner個餐湯完全冇味；沙律就麻麻地；板燒羊T骨熟到難以咀嚼，即係柴皮咁；餐飲等咗好耐，要溫馨提示才送到。香煎海爐魚配牛油苦白菜，完全唔係嗰樣嘢，係一舊唔知咩魚配咗落青豆蓉，味道一般。蟹肉雲吞配牛油黑松露大蒜，唔見到有或食唔出或用嗅覺聞，都唔覺得有黑松露，而所指大蒜應該係大葱囉…牛油白酒煮藍青口，落咗好多煙肉，味道超級勁咸，藍青口係煮到縮好細隻。基本上個個客都容易就會有不同嘅優惠，Discount 後加埋10%，咪又係嗰條數。就算用咗生日優惠，都係覺唔值得俾千2元呢個價去食，埋單呢個價可食得好啲或好味啲。今次都係抱住試吓嘅心態去食，所以又唔會話間餐廳完全勁差或好失望，但如果餐廳唔係標籤住“法國菜“及價錢係平一半600元左右，作為人工材料就可以嘅…要再俾多啲就唔值得囉…所以呢間唔難會有下次。😄