天天海南雞飯 (Fashion Walk)

Open Now

Now Closed

尋日約咗人去銅鑼灣，就順便喺附近嘅天天海南雞飯食飯。單論店鋪裝潢，已經覺得好氣派有格調。整體偏暗嘅色調增添咗幾分神秘。食物同樣值得一讚。我叫咗一份天天海南雞拼燒雞同雞油飯share。海南雞嘅肉質好嫩滑，晶瑩透亮嘅賣相睇到流曬口水。燒雞嘅外皮爽脆，雞肉同樣香滑易入口。至於雞油飯嘅飯粒氣味清香，質感粒粒分明，同海南雞相輔相成。飲品就叫咗杯fashion walk分店先有嘅mocktail Tea Sensation，整體味道清新淡而香，新鮮嘅熱情果味有份內斂嘅清甜。另一杯飲品係豆花恐龍美祿。大大杯嘅美祿味道濃郁，加埋飄零嘅豆花口感柔滑，令成杯飲品嘅層次感十足。食完主菜額外加咗份甜品花好月圓豆腐花。甜度恰到好處，甜而不膩，質感又夠柔順，好食。整體嚟講，呢間海南雞飯算係同類型食品當中嘅先鋒，質素唔係一般舖頭可以比擬嘅水準。