竹青亭 (Closed)

今次黎到尖沙咀， 又唔想食太飽，食下啲的的色色既野就好！咁就揀左呢間竹青亭啦！係一間樓上餐廳黎嫁！上到去見到menu，啲菜色既名真係好好笑！睇完唔太知食咩好！軟殼蟹沙律份量唔係太大份， 但開胃菜黎講唔錯嫁！沙律既菜都好新鮮，加埋唔係我最怕既酸汁！ 隻軟殼蟹炸的好脆！係好好食呀！分子料理三文魚呢個名係我作既因為真係好似分子料理呀！上面啲泡超吸睛！不過啲三文魚真係幾新鮮既，係鮮甜既！啲泡係令啲味更升華，好味呀！