Roll & Mari (Closed)

Lunch 突然想食韓國菜，就去金巴利道行下，見到呢間價錢幾okay，外觀也幾舒服，就行左入去試下嘞。最吸引係石頭鍋拌飯，烤肉飯，涼拌， 拉麵，不過拉麵唔抵食，涼拌因為太貴揀唔落手。於是我揀左蟹籽豬肉石頭鍋飯，呢款實冇死呀嘛，哈哈。同埋我鍾意食石頭鍋飯。啲豬肉醃得好好食！同埋有冬菇！啲冬菇仲要好肥美，加埋韓式辣醬，仲有唔知係香油定麻油嘅物體，成件事好正。唯一的不足是份量有點少，不過我覺得女生是足夠的，無獨有偶，餐廳裡清一色女顧客，包括我。附送一碗蘿蔔蛋花湯，好清甜，唔知佢落左啲咩去煲呢？有樣野真係值得講下，間舖雖然有啲細，同埋有啲逼，但佢裝修得好靚同好舒服，令我食得好開心，唔講我以為係咖啡店添，本來想影相，但太多人，所以唔敢影。如果一個人想靜靜地食lunch，我覺得係幾好的選擇。