Kopitiam By Saya

Open Now

Now Closed

今晚的泰菜，環境闊落，座位舒適，窗簾望出去還可以睇到日落。燒生蠔燒生蠔買5送一，生熟蒜香脆野味，蠔肉新鮮肥大，蠔就咁食就會食到啖啖海水味，如果沾上酸辣汁，就更添泰式風味。燒牛肉沙律配蝦片香料拌勻燒牛肉，牛肉味濃肉質唔柴，香料酸酸辣辣令牛肉好野味，生菜爽脆包住燒牛肉，令人食唔停口。煎香草比目魚配香茅椰子湯比目魚厚身，魚皮煎到香口，肉質保持嫩滑，湯底帶有香茅微香椰味清甜，除咗蔬菜還有捲河粉，河粉滑溜又吸收到湯汁精華，令口感更豐富。黑胡椒蟹肉炒飯炒飯粒粒金黃色又乾爽，帶出微微黑胡椒和蛋香味，蟹肉滿滿又鮮味，加入青檸汁，令炒飯更酸爽開胃。粉絲蝦煲打開煲蓋葱香撲鼻，大頭蝦食落啖啖肉，蝦膏好香，粉絲夾起乾爽亦夠入味。