Vivere (Closed)

今日朋友帶我黎銅鑼灣唔錯嘅酒吧西餐廳，一入到去個view勁正，打卡一流，仲有個大電視勁正，佢地嘅音響都幾勁，環境幾唔錯。凱撒沙律配蟹肉，飛魚籽沙律菜勁新鮮，而d蟹肉都幾多，食落好鮮甜，加埋蛋魚籽一齊食，個口感好好，唔錯嘅前菜。炸魷魚外皮炸到脆卜卜，勁香口，點埋佢地嘅沙律醬，送酒一流。9安士澳洲安格斯肉眼扒配壽喜燒汁叫咗5成熟，煎到啱啱好，完全冇overcook,食落牛味好重，配埋壽喜燒汁同蛋黃一齊食，勁正，好有日本feel。日本和牛漢堡配巴馬火腿及薯條漢堡扒非常juicy，加埋巴馬火腿一齊食，又估唔到幾match，佢地個包係烘過嘅麥包，又幾特別,薯條係幼薯條，炸到脆卜卜，勁正。