中華小館

Open Now

Now Closed

難得可以同一位我好尊敬嘅前輩食飯，揀嘅餐廳絕對唔可以求其🫡依間中菜館無論環境同食物都一流，帶前輩嚟食飯一定唔會失禮😉用膳環境優雅，用上唔少字畫、山水畫同書法作品佈置，古色古香充滿中國古典風情🎴頭盤🌼桂花山藥香甜可口，桂花嘅芳香味突出，微微甜啱啱好，當作開胃頭盤好適合☺️食完頭盤後，一碟🔥惹味小炒皇足以帶領我哋嘅味蕾到另一層次😋 口味豐富，裡面有腰果、魷魚鬚、韭菜同蝦乾等多種配料，既有唔同口感又香辣，佐酒最佳選擇👍🏻另外🐟鳳凰展翅(酥炸小黃魚)同樣精彩，外面炸得乾身但入面仍然多汁，加埋炸蒜同少許胡椒鹽一齊食，為今日嘅飯局畫上完美句號😊