Video
Read full review
2022-06-09
2484 views
🍲湊湊火鍋‧茶憩🍲📍:尖沙咀梳士巴利道K11 Musea6樓608-609號舖⏰:11:00am-11:30pm呢間久仰大名好耐嘅湊湊火鍋 今日終於有時間過去試吓 同屋企人大約六點入座 已經座無虛席 所以過嚟記得要訂座👍🏻佢哋有早鳥優惠 下午6時前埋單及離座可享85折優惠😍🔸環境、服務方面🔸餐廳位於k11 Musea比較新淨 一入去充滿古式古風既佈置 環境比較暗 感覺好幽靜 置身係野外般😆座位闊落舒適 梳化位好大 空間感足👍🏻出面仲有自助小料台 多達20多款醬料提供 有我最鍾意嘅沙茶醬、海鮮醬等 另外亦都供應米飯、水果、前菜👍🏻店員嘅服務都好好 會不定時過嚟收碗碟 亦都會幫我哋隨時加湯 感覺好親切、友善！🔸食物方面🔸🥘鴛鴦鍋(清涼椰子雞鍋+台式麻辣火鍋)每款鍋底都好吸引 點左一個辣 一個唔辣😍<清涼椰子雞鍋>🔸優惠🔸可以66折加購指定新品一客(3選1:竹笙/鹽酥雞/風味湊湊)呢款系湊湊新鍋 鍋底加入左清甜椰子水和椰肉 加埋鮮嫩的雞肉吸收椰子精華 入口陣陣椰香味 另外加埋檸檬葉提升香氣🍃夏天飲真系滋潤解渴👍🏻<台式麻辣火鍋>用左雞骨同牛骨小火慢燉6小時高湯
📍:尖沙咀梳士巴利道K11 Musea6樓608-609號舖
⏰:11:00am-11:30pm
呢間久仰大名好耐嘅湊湊火鍋 今日終於有時間過去試吓 同屋企人大約六點入座 已經座無虛席 所以過嚟記得要訂座👍🏻佢哋有早鳥優惠 下午6時前埋單及離座可享85折優惠😍
🔸環境、服務方面🔸
餐廳位於k11 Musea比較新淨 一入去充滿古式古風既佈置 環境比較暗 感覺好幽靜 置身係野外般😆座位闊落舒適 梳化位好大 空間感足👍🏻
出面仲有自助小料台 多達20多款醬料提供 有我最鍾意嘅沙茶醬、海鮮醬等 另外亦都供應米飯、水果、前菜👍🏻
店員嘅服務都好好 會不定時過嚟收碗碟 亦都會幫我哋隨時加湯 感覺好親切、友善！
🔸食物方面🔸
🥘鴛鴦鍋(清涼椰子雞鍋+台式麻辣火鍋)
每款鍋底都好吸引 點左一個辣 一個唔辣😍
<清涼椰子雞鍋>
🔸優惠🔸可以66折加購指定新品一客
(3選1:竹笙/鹽酥雞/風味湊湊)
呢款系湊湊新鍋 鍋底加入左清甜椰子水和椰肉 加埋鮮嫩的雞肉吸收椰子精華 入口陣陣椰香味 另外加埋檸檬葉提升香氣🍃夏天飲真系滋潤解渴👍🏻
<台式麻辣火鍋>
用左雞骨同牛骨小火慢燉6小時高湯 再加入以不同種類既中草藥材濃縮熬制多2小時 總共用8小時烹調一鍋正宗嘅台式麻辣火鍋😍充滿左陣陣既麻香味 湯底更可直接飲用😆值得一提 叫呢款鍋底 可無限添加鴨血同豆腐👍🏻
🐮伊比利亞黑豬肉、無骨雞腿肉、頂級美國牛肩胛
肉類方面我哋叫左呢三款 抵食之餘大大份 每一片都好大塊 紋理清晰 一睇就知唔係比雪藏貨你👍🏻
牛肩胛有肉味 放落去20至30秒就食得 軟淋得黎有咬口 好快比我清晒😂
豬肉片肥瘦均勻 食落好爽口 再點埋我自己調製嘅靈魂醬汁👍🏻
🐧企鵝丸(墨魚漿製)
呢一款有驚喜 企鵝丸打卡一流 造型精緻之外 味道亦都唔差！係用咗黑白嘅墨魚漿製成 彈牙有鮮味 中間分左一半 營造出企鵝咁外型 好特別🙈
🦑飛鱼籽墨魚滑
味道唔錯 飛魚籽嘅口感爽脆 加埋彈牙嘅墨魚滑 口感一流
🐟巴沙魚
魚肉好嫩滑無骨 新鮮唔腥 唔使淥太耐 好厚身 加埋醬汁一齊食啖啖肉！
🐽黃金條酥
呢一個炸肉條 好香脆 一上枱熱辣辣 就咁當小食/放落去火鍋到煮淋食一樣惹味😍 係我食火鍋必食既菜式！
🧀芝士魚腐
佢哋而家做緊活動 英文全名裏面有‘C’‘O’‘U’ 其中一個英文字嘅話 就會贈送一碟 魚腐好軟熟 裏面有滿滿嘅流心芝士 鹹香得來 索晒湯底嘅精華！
🧋大紅袍珍珠奶茶
茶葉香氣醇厚 馥鬱潤甜 搭配低溫熬煮的木薯粉珍珠 晶瑩剔透 煙韌彈牙🥰
🍍乳酸沙冰+ 梅子茶凍
食到最後嘅時候 店員會奉上呢兩款免費既甜品 酸酸甜甜嘅口感 清涼解渴！
Post
