Ocio (東港城) (Closed)

上次嚟坑口食過唔錯，今次唔想用腦又見環境唔逼，一於再食🤭💕晚餐有湯、主菜、飲品😚平均每人百幾蚊☀️餐湯：今次係南瓜湯🎃，飲到滿口濃稠嘅南瓜蓉，甜而不膩。紅酒燴牛肋條闊麵牛肉汁底好濃肉味，令到闊厚彈牙嘅闊麵索哂汁，同場嘅車厘茄同配菜好襯汁底，令鹹香之間帶點果鮮。全日早餐有窩夫超正😉蛋味重，熱嘅時候微脆。雞扒代替咗平時啲煙肉真係抵食，我最鍾意點窩夫個蜜糖落雞扒度🍯上次發現勁好食😚🤭。食份好多野一定夠飽。 蘋果汁 凍檸檬茶精選蛋糕：擺哂出嚟雪櫃任揀✨️諗咗好耐要呢款定朱古力，最後決定要呢個cheese cake🍰🧀口感豐厚實在，芝士味都足夠。