今次朋友想食，所以再去食過，當天係星期四，但都係滿座，非常之多人。
我哋就叫左4人set餐，Pizza & Pastas 部份就簡左煙三文魚Pizza同卡邦尼意粉，而Main就簡左牛扒同豚扒。
之前我已經食過豚扒，幾好食😋，所以今次再叫多次介紹下比朋友品嘗下。
餐廳嘅員工都非常有禮，而煙三文魚Pizza我朋友非常鍾意食，個醬好適合，火箭菜又唔會苦。
卡邦尼意粉🍝都唔錯，到Main嘅牛扒同豬扒，平時啲餐廳配菜都唔會點食，因為都係啲雜菜。但依到係黑松露薯蓉同豆，平時我唔多食黑松露，竟然黑松露薯蓉係令我係咁食嘅配菜，而個豆都唔係齋烚，會令我想食哂啲配菜。
最後甜品都好食，心太軟都焗得岩岩好。
