去到時要用QR code 再落單，因為套餐內有部分係有多項選擇，但可能係工廈深處，電話訊號比較差，最後要用場內Wi-Fi先可以順利落單。
食物質素一般，我覺得同和民差唔多。
當中刺身係好新鮮，但係上菜次序就錯晒。
個炸物去到最後先至出現，
因為我問咗侍應，佢先至補返上菜。
飲品方面，有個特飲，但係完全唔好飲。
份量係夠嘅，最後一定食得飽。
價錢方面，我兩個人食，
原本已經用咗個優惠套餐$750左右，
因為同行有個小朋友，額外叫多個拉麵$100。
性價比唔高:(
但係環境就比較一般，
我明明坐喺冷氣機風口位，但係我食到一半已經流晒汗。（平時外出食飯係凍到我要着外套，但係同枱都係流汗，今次係連我都熱到流晒汗）
典型居酒屋裝修，間隔上一定係比較嘈吵，地方唔算大，但係就有好多人外賣。
