Video
Read full review
2019-02-21
1596 views
六公館位於尖沙咀的海港城，沿LCX行到最尾，再乘扶手電梯往下就會見到個無敵海景，未食已經贏晒！除了180度無敵海景之外，室內和室外的佈置也是很用心，而且有多個影相位，喜歡拍照打卡的朋友不要錯過！我地被安排坐喺室內區近窗的位置，盡覽醉人夜景，望住維港夜景享用美食，真係令人心情大好！餐廳走高級新派中菜路線，環境相當寬敞，室內的設計豪華時尚帶華麗氣息，坐得舒適，令人身心放鬆!新年限定的特別菜單，有多個好意頭的菜式！呢道嘅服務都認真唔錯，店員有禮貌之餘，仲會主動加水同埋斟茶，而且仲會介紹餐牌，同埋幫客人打燈影相，都幾Helpful！陳年普洱 每位$28濃厚的茶味中帶一點點微甜，開胃消滯！鮮柚子鱈場蟹腳 $198鱈場蟹腳拆殻起肉，鮮甜的蟹肉是這道前菜的靈魂，再伴入新鮮的柚子肉、青瓜絲和花生碎，十分清新好吃！勁正勁開胃嘅前菜，推介！鮮茨實濃雞湯浸菜苗 $208菜苗幼嫩，仲索晒雞湯嘅精華，鮮甜好吃；鮮茨實好似一粒粒珍珠咁，美觀又健康；最正就係嗰個奶白色嘅濃雞湯，又香又甜，我哋當係湯品咁樣飲晒！龍井熏樟茶鴨 $288熏鴨外皮呈焦糖色，鴨肉則呈嫩紅色富彈性，茶葉香氣濃而不苦，鴨肉外酥內軟，仍保留了肉汁，
除了180度無敵海景之外，室內和室外的佈置也是很用心，而且有多個影相位，喜歡拍照打卡的朋友不要錯過！
我地被安排坐喺室內區近窗的位置，盡覽醉人夜景，望住維港夜景享用美食，真係令人心情大好！
餐廳走高級新派中菜路線，環境相當寬敞，室內的設計豪華時尚帶華麗氣息，坐得舒適，令人身心放鬆!
新年限定的特別菜單，有多個好意頭的菜式！
呢道嘅服務都認真唔錯，店員有禮貌之餘，仲會主動加水同埋斟茶，而且仲會介紹餐牌，同埋幫客人打燈影相，都幾Helpful！
陳年普洱 每位$28
濃厚的茶味中帶一點點微甜，開胃消滯！
鮮柚子鱈場蟹腳 $198
鱈場蟹腳拆殻起肉，鮮甜的蟹肉是這道前菜的靈魂，再伴入新鮮的柚子肉、青瓜絲和花生碎，十分清新好吃！勁正勁開胃嘅前菜，推介！
鮮茨實濃雞湯浸菜苗 $208
菜苗幼嫩，仲索晒雞湯嘅精華，鮮甜好吃；鮮茨實好似一粒粒珍珠咁，美觀又健康；最正就係嗰個奶白色嘅濃雞湯，又香又甜，我哋當係湯品咁樣飲晒！
龍井熏樟茶鴨 $288
熏鴨外皮呈焦糖色，鴨肉則呈嫩紅色富彈性，茶葉香氣濃而不苦，鴨肉外酥內軟，仍保留了肉汁，沒半點油膩感，正呀！
四川辣子三黃雞 $298
來一點刺激的，未上菜已經聞到誘人嘅麻辣香氣！麻的程度頗強烈，極香而不算太辣；雞件炸至外脆內酥，而且非常入味，連雞皮都特別香脆可口！這碟認真辣得過癮，好吃到停不下來！
松茸羊肚菌海膽燴飯 $308
超大片海膽，而且仲有兩片咁多！海膽肥大肉厚，質感細緻，入口即化，甘香甜美！松茸香氣撲鼻，米飯索晒羊肚菌的味道和精華，特別濃郁滋味！一啖海膽一啖燴飯，極高享受！
Post
