.
📌西多士 $27
西多士一上枱已經聞到超香 賣相都好吸引 煎到金黃色🔥呢到同平時唔同唔係炸係煎 加上佢中間冇搽餡 combine左西式嘅French toast😝食落冇平時西多嗰種油膩感 但依然做到外脆內軟嘅感覺 連四條邊邊都煎到脆卜卜💕仲有煎完焦焦地嘅香味🤩同平時一樣都係兩片方包夾埋🤪但就算中間冇平時嘅花生醬🥜每塊麵包兩面都沾滿蛋漿 淡淡雞蛋香 面頭再淋滿香甜嘅煉奶 加埋一齊已經好香好惹味😎不過由於要需花時間慢慢煎 所以出餐就會比較慢🤫但真係必試呀‼️
.
📌樽仔凍奶茶 $17
用玻璃樽裝住港式奶茶再雪凍 額外多左重裝瓶嘅工序 而家真係好少見🙈平時加冰嘅凍奶茶都會越飲越淡 但係呢度唔會👍🏻由頭飲到味都係好香濃 甜度適中 口感夠幼滑🥰茶味唔算特別濃厚☕️偏重奶味🥛我自己會想茶味再濃啲 朋友就話正宗嘅港式奶茶應該要奶味再濃少少🤏🏻
