三不館車仔麵 (廣福道)

Open Now

Now Closed

每次嚟到荃灣，仲係有啲令人回味嘅小食想一試再試😋 #三不館 係間專賣 #車仔麵 嘅餐廳。本來都唔係咁肚餓，不過一場嚟到又點可以放過🤪 呢次係 #小秘書 第二次嚟幫襯，餐廳以四五十年代嘅裝飾做背景，以 #摺檯、#摺櫈 做 #餐枱、#餐椅，雖然坐得冇咁舒服，不過都有另一番風味。呢日我叫咗個 #三餸車仔麵，#咖喱魷魚、#滷水豬腸、#瑞士雞翼 樣樣都做得好出色，#魷魚 爽口入味、豬腸完全冇怪味、滷水汁嘅味道控制得好好👍🏻 不過我就最鍾意佢個 #瑞士雞翼，甜甜地嘅 #豉油香 同 #雞翼 配合得相當好。不得不提嘅仲有佢哋 #自家製 勁惹味 嘅 #辣菜莆，全場免費提供、食幾多可以攞幾多😆 配埋 #車仔麵湯底 零舍好味😋仲有呢度嘅服務員都好有禮貌，所有嘅餐具都乾乾爽爽咁👍🏻 唔錯嘅平民推介呀！