金記冰室 (Chi Fu Landmark) (Closed)

發覺好多人同我都一樣，好想食返舊餐廳個種味道但又怕地方好雜環境好差好雜。但今日就搵到間有特色，又搵得返個種感覺既冰室，講緊就係致富花園既金記冰室朋友帶我去佢屋企附近一間外型好獨特既餐廳，入到去發現好多街坊都好熟呢度，服務員同D 人有講有笑咁，個感覺相當和諧望望餐牌，點佐三個小菜，一D 都唔貴，而最緊要係佢有好多傳統飲品，黑牛 (可樂+雪糕)、白雪公主(雪碧+雪糕)，本來想點杯黑牛，但岩岩最後一支可樂俾隔離枱個小朋友點佐。係啊，一支可樂，因為佢地全部都係舊式樽裝汽水，我最後點佐支樽裝芬達，飲芬達，梗係飲樽裝啦先黎第一個菜係欖菜肉碎四季豆，配菜足料，講真，呢個菜好多地方都有，但好似呢間咁足料，落咁多欖菜真係唔多，味道亦都好夠，唔夠欖菜就會變佐普通肉碎炒四季豆GA 啦。再黎就係個菠蘿生炒骨，唔會太甜，小小炸粉，啖啖內，小小酸，非常開胃，呢個送飯真係一流﹗再黎就係個盲鰽，好多茶記都係得倉魚，呢個盲鰽真係好耐未食過，盲鰽肉質比較林，而鮮味比倉魚勁好多﹗條魚非常新鮮，亦好大條，可以話係酒樓級數茶記價錢﹗朋友飲住杯雪糕紅豆冰，我就飲住支芬達，吹佐好耐都無話有人黑口黑面，反而見到服務員個個都好好笑容，