Pancake House HoiHoi (Megabox) (Closed)

士多啤梨梳乎厘班戟有三大塊班戟。班戟好香蛋味。好厚身，有空氣感得黎好實在。旁邊仲有蜜糖可以點，但係唔使落蜜糖都已經好好味啦😋。士多啤梨切成心形❤️，圍住班戟排列，少女心滿瀉！😍重有少少藍莓。士多啤梨同藍莓微酸，食班戟食到咁上下可以食番d 士多啤梨同藍莓消化下。班戟除左甜食重有得鹹食！班cake漢堡配芝士另有薯條配茄汁。班cake漢堡中間有蕃茄、生菜、牛肉、芝士。蕃茄同生菜都夠新鮮。牛肉牛味香濃，同芝士味道好夾。蘋果玉桂茶上枱已經聞到好香玉桂味，飲到蘋果嘅酸甜味。新鮮菠蘿汁真係原汁原味，飲完好似食左成個菠蘿咁！