桂花小幸 (將軍澳廣場)

Open Now

Now Closed

今日放工後又去左將軍澳睇樓，始終將軍澳去港島返工近啲，都想係呢區置業。睇完樓八點幾，順便係將軍澳廣場食晚餐，想飲珍奶，所以去左桂花小幸，坐低左先知原來同四季良辰係同一集團，唔怪得個門面有啲熟口熟面！今次試下啲小食，叫左手工餡餅，熱辣辣送到，層皮都脆，味道偏淡，如果層皮薄多啲啲就更加正！豆腐係凍食，一口豆腐，鹵水味唔太濃，如果豆腐滑啲就正喇。三杯雞飯餐，都係覺得啲雞味道濃啲會好味啲，唔知係咪我今日味覺有問題，食咩都好似覺得偏淡🙈一定要叫套餐，附送個湯真係勁足料，啲牛展好林，個湯多料過呀媽煲嗰啲😂特盛紅燒四寶麵，今次試左雞湯湯底，都係養生清燉牛肉湯夾啲。今次兩杯野飲都好正，芝士奶蓋阿華田，阿華田好似有啲加左朱古力，加埋芝士奶蓋意外好味👍🏻珍珠紅豆奶茶，即加左紅豆既珍珠奶茶，紅豆好粉，原來加左紅豆好味過就咁飲珍珠奶茶好多。中醫成日話女人唔好食生冷野，呢杯熱飲唔太熱，唔會燙口，黎到可以即刻飲，正👍🏻