Video
Read full review
2022-07-21
24 views
大西北嘅地方自問去得最多係元朗，天水圍同屯門嘅感覺相對上較為陌生。雖知道今時今日入到屯門係唔會見到有人騎牛，但搵起路上嚟點都要靠google map幫手。朋友介紹下得知喺屯門景峰附近有間以湯底配搭珈啡嘅烏冬店， 咁有趣嘅配搭當然勾起到我興趣拉大隊去試試。餐廳係一間小店，麻雀雖小但五臟俱全。和風嘅裝修再用上日本妖怪做主題，好多吸人眼球嘅擺設。海老魂 - 頂立海「海老魂」湯底係以鰹魚昆布湯，加上海蝦頭、殼，再加入清酒熬煮而成。湯身唔膩而且散發住陣陣嘅海蝦香，味道幾creamy。頂立海烏冬配有炙燒海鮮：海蝦、魷魚同埋帆立貝。再加上竹輪同昆布，非常豐富。干貝魂 - 鬼·頂立海「干貝魂」湯底以鰹魚昆布湯，加上干貝類海鮮熬煮，而且唔落醬油，令湯底呈現清澈嘅金黃色，味道清甜而且非常鮮！鬼·頂立海配有火炙海蝦、魷魚、帆立貝同埋腐皮。腐皮吸收哂啲湯汁，啖啖都係海鮮甜味。Damn Lab Nutty風味冷萃珈啡店家高度推薦嘅飲品之一，Nutty 口感帶有少少朱古力嘅味道，飲完熬製嘅湯底再飲一啖珈啡會帶出意想不到嘅風味，珈啡整體嘅口體同風味都因為湯底而提升！Damn Lab Homemade Lemonad
大西北嘅地方自問去得最多係元朗，天水圍同屯門嘅感覺相對上較為陌生。雖知道今時今日入到屯門係唔會見到有人騎牛，但搵起路上嚟點都要靠google map幫手。
朋友介紹下得知喺屯門景峰附近有間以湯底配搭珈啡嘅烏冬店， 咁有趣嘅配搭當然勾起到我興趣拉大隊去試試。
餐廳係一間小店，麻雀雖小但五臟俱全。和風嘅裝修再用上日本妖怪做主題，好多吸人眼球嘅擺設。
海老魂 - 頂立海
「海老魂」湯底係以鰹魚昆布湯，加上海蝦頭、殼，再加入清酒熬煮而成。湯身唔膩而且散發住陣陣嘅海蝦香，味道幾creamy。
頂立海烏冬配有炙燒海鮮：海蝦、魷魚同埋帆立貝。再加上竹輪同昆布，非常豐富。
干貝魂 - 鬼·頂立海
「干貝魂」湯底以鰹魚昆布湯，加上干貝類海鮮熬煮，而且唔落醬油，令湯底呈現清澈嘅金黃色，味道清甜而且非常鮮！
鬼·頂立海配有火炙海蝦、魷魚、帆立貝同埋腐皮。腐皮吸收哂啲湯汁，啖啖都係海鮮甜味。
Damn Lab Nutty風味冷萃珈啡
店家高度推薦嘅飲品之一，Nutty 口感帶有少少朱古力嘅味道，飲完熬製嘅湯底再飲一啖珈啡會帶出意想不到嘅風味，珈啡整體嘅口體同風味都因為湯底而提升！
Damn Lab Homemade Lemonade
係我飲過嘅Lemonade 最特別嘅一款，酸甜度適中，而且隱隱散發嘅豆蔻味好有驚喜。
櫻葉紅豆和菓子
隨烏冬附上嘅和菓子小食，用鹽漬櫻花樹嘅葉，包裹住晶瑩剔透嘅紅豆和果子，再配埋微甜嘅淡忌廉，味道鹹中帶甜，又有一絲絲嘅Creamy口感，煙韌到十足。
燒布甸
日式必食甜品，焦糖同雞蛋味好香濃，餅底吸收哂焦糖嘅味道，配埋Cold Brew一齊享用係絕配！
Post
