Chef's Stage Kitchen (Discovery Park) (Closed)

約左朋友食西餐，呢間鋪頭裝橫好特別，有少少外國感覺，用木質的傢俬亦令到間餐廳品位提升。可以選擇dinner set，又或好似我地甘散叫兩份主菜再加錢升級變套餐，其實價錢同set唔係相差太遠，但就可以揀你想食的。餐包小口鬆脆，再配呢個好特別的沙律醬，酸酸甜甜，令人好想食一口再食一口。呢個西餐湯creamy得黎又唔油膩。餐飲叫左凍奶茶同似乎係招牌的接骨玫瑰茶，味道幾特別。主菜首先黎左個燴火肋肉，望落去好似好細份，但其實份量岩岩好。個燴肉汁好濃味，如果就甘食會偏少少鹹，所以要配上面包。牛肋肉燴完唔會韌，反而好嫩，又吸收到醬汁味道。最後係今晚最想試的炭燒肉眼扒。果然好好味，表面好有炭燒味道，我地叫左7成熟，肉汁依然豐富，唔會覺得乾身。