Mr. Crab by The Captain's House (Closed)

🦀🦀本人係蟹痴所以一直都想試呢間餐廳好耐，今日終於可以一試。餐廳環境裝飾非常用心佈置到美國既碼頭咁，小朋友嚟應該好開心。見到有2人套餐好似好抵就決定試下。餐廳亦好細心準備左手套、口水肩比客人。🦀路易斯安那爆谷蟹餅小食有薯條同芝士條其他揀，但食完覺得蟹餅係必點。蟹餅外皮酥脆香口，入面每一啖都係觸肉，必點。🦀🦞🦐🦑🐙海鮮袋海鮮嚟到已經用袋裝好，店員再喺你臉前shake勻醬汁。醬汁有3種，但shake海鮮最正宗一定係配cajun醬，酸酸辣辣咁非常襯海觧。海鮮可以揀3種，馬尼利蜆同藍青口都大大隻啖啖肉，我仲另外加錢換左肉蟹，蟹身形龐大接近1kg，一樣係啖啖肉，烹煮時間亦剛剛好，蟹肉無痴殼。除左海鮮仲會包堆新薯幾隻、腸仔同粟米，2個人隨時食唔晒。🥘蟹糕蟹黃南瓜意大利燴飯意大利飯煮得剛剛好中間硬硬地有D咬口，每啖都有南瓜既香味同蟹肉。🍷飲酒既朋友仲可以揀紅白酒飲，凍白酒配海鮮就一流。