漁師兄

Open Now

Now Closed

難得入嚟大西北搵朋友，發現咗間好似喺新開嘅烤魚，見到佢有一個特別嘅味道「馬來亞參咖喱味」烤魚，個日口淡淡就好想試一試。呢間餐廳真係好細心，除咗裝修環境好乾淨之外，店員見到我着住白色衫，就拎咗一件即棄圍裙仔俾我用。呢樣對我嚟講係食過咁多次烤魚第一次有咁嘅服務，要俾10個讚。至於個味道其實一上枱已經聞到好香，馬來西亞嘅做法應該係用咗好多香料，當然真係見到有香茅。跟住餐廳推薦嘅食法，先飲一啖「頭啖湯」，果然味道10分濃郁，酸酸辣辣，超級開胃，建議加個麵嚟嗍下啲味道。整條魚都啖啖肉，鱸魚真係冇乜骨，食落去真係好方便，對於我呢啲唔係幾識食魚嘅人都食得好開心。佢哋啲特色飲品都真係全部大大杯，因為有時食烤魚真係比較重口味，唔覺意都會成日飲嘢，大大杯就真係啱晒。如果大家平時經過行過都真係可以試吓呢一個咁特別嘅新口味烤魚。