茶餐廳2.0 (Closed)

今日去現崇山探朋友，喺樓下茶餐廳2.0食番餐。呢度環境確係唔錯，靜中帶旺 ，地方寬敞有很多座位，分室內和戶外座，可遠眺獅子山景色，喺獅子山下食晚餐，別有一番風味。見到餐牌而家做緊晚市惠顧鐵板套餐，第二份半價。 二話不說，即刻點兩份試下！德國咸豬手外皮焗到脆卜卜，陣陣烤肉焦香撲味，皮肉之間有一層薄脂肪，油脂甘香，皮脆肉嫩。豬手鹹香肉味濃，啖啖肉大快朵頤！澳洲西冷牛扒西冷肥美肉厚，在石燒板上煎煮，油脂豐盛溢出，焦香撲鼻，牛味較濃郁，肉質煙韌有嚼口！配洋蔥汁牛肉味道突出！隨餐附送， 餐湯和咖啡奶茶。 羅宋湯材料十足，味道香濃，很有水準。香蕉千層雞蛋仔意猶未盡，食飯後甜品。香蕉軟滑順口，果味清甜，加上冰凍幼滑雪糕，與雞蛋仔蛋漿味道非常配合，猶如一個脆口的香蕉班戟！鹹中帶甜，鬆脆可口，十分美味，令人百吃不厭！