Vie Won Won (Closed)

由糖街搬咗嚟西營盤嘅鬼怪主題餐今日終於有機會過嚟新店參觀一下。今日下午嚟到大門口都正正常常，但入面充滿咗奇怪又古怪嘅裝飾。有兩層，而且樓底特別高，加上係呢度係舊區，有種去古堡嘅感覺。今次叫咗呢度部份嘅Signature dishes。Smash Avo Toast with Flat White牛油果多士啱曬Brunch 食，麵包非常之軟熟，Feta cheese 加上牛油果同無花果非常之夾，用咗少少paprika 調味帶起咗材料嘅清新。加埋一杯帶fruity 味道嘅Flat white，完全係澳洲嘅感覺。Lobster Tsukemen見旁邊有人叫龍蝦沾麵，非常之香。自己都叫一份。有半隻龍蝦肉，龍蝦汁沾上帶彈性嘅極太麵，非常有咬勁。似意粉食法。Magic Mushroom最後有個signature甜品，上枱時先幫你打開個玻璃罩，好大陣煙燻木味帶到四周圍。𥚃面呢隻魔法磨菇其實係紅莓雪芭同埋荔枝雪芭。下面仲有啲開心果同餅乾碎，襯托返雪芭滑滑嘅口感。呢間「鬼混」除咗裝修非常有特色之外，亦坐得舒服，最緊要食物高水準。下次夜晚過嚟應該會更加好feel。