Video
Read full review
2021-09-24
286 views
餐廳：為食火鍋公司 (觀塘)地址：觀塘創業街15號萬泰利廣場地下C號舖成日都想搵啲餐廳可以坐成晚同朋友傾足成晚偈🗣，計我話打邊爐就係一個唔錯嘅選擇🍲，今次仲比我喺觀塘搵到間任食唔限時嘅火鍋店——為食火鍋公司呢間為食火鍋公司早市同午市主打港🇭🇰、日🇯🇵、西🇬🇧式嘅食物，晚市就做任食火鍋，星期四晚同朋友嚟食，我哋嗌咗個平啲嘅任食雞煲火鍋套餐，每人都喺$262賣單，由6點食到尾都仲得😂，我哋就食咗3個幾鐘，仲要6人同行1人免費，真喺好啱一班朋友吹水食飯👍原來老世嘅狗狗叫做「為食」，而老世愛狗狗嘅程度甚至取用愛犬嘅名成為呢間火鍋店嘅店名，餐廳都幾大，分咗幾個area，牆上有好多狗狗嘅畫🦮，非常治癒🥰，相信有養寵物嘅人一定會有同感🐶，希望每一個主人都好好咁照顧自己嘅寵物💕先嚟嘅喺三色刺身，有三文魚、油甘魚同埋甜蝦🦐，仲有兩碟前菜，分別喺鹽水枝豆同埋甜酸子薑食完刺身就到重頭戲雞煲喇，有唔同辣度可以揀🌶，揀唔辣都得，餐廳用咗秘製雞煲醬，以生雞上枱🐓，掛咗汁之後就連埋香料呈上枱，店員話每焗兩分鐘就炒一次，第2次炒完可以落埋三寶，即喺豬皮、水魷同牛柏葉，前後共炒三次，焗多幾分鐘就可以食得，三寶索晒雞香同
地址：觀塘創業街15號萬泰利廣場地下C號舖
成日都想搵啲餐廳可以坐成晚同朋友傾足成晚偈🗣，計我話打邊爐就係一個唔錯嘅選擇🍲，今次仲比我喺觀塘搵到間任食唔限時嘅火鍋店——為食火鍋公司
呢間為食火鍋公司早市同午市主打港🇭🇰、日🇯🇵、西🇬🇧式嘅食物，晚市就做任食火鍋，星期四晚同朋友嚟食，我哋嗌咗個平啲嘅任食雞煲火鍋套餐，每人都喺$262賣單，由6點食到尾都仲得😂，我哋就食咗3個幾鐘，仲要6人同行1人免費，真喺好啱一班朋友吹水食飯👍
原來老世嘅狗狗叫做「為食」，而老世愛狗狗嘅程度甚至取用愛犬嘅名成為呢間火鍋店嘅店名，餐廳都幾大，分咗幾個area，牆上有好多狗狗嘅畫🦮，非常治癒🥰，相信有養寵物嘅人一定會有同感🐶，希望每一個主人都好好咁照顧自己嘅寵物💕
先嚟嘅喺三色刺身，有三文魚、油甘魚同埋甜蝦🦐，仲有兩碟前菜，分別喺鹽水枝豆同埋甜酸子薑
食完刺身就到重頭戲雞煲喇，有唔同辣度可以揀🌶，揀唔辣都得，餐廳用咗秘製雞煲醬，以生雞上枱🐓，掛咗汁之後就連埋香料呈上枱，店員話每焗兩分鐘就炒一次，第2次炒完可以落埋三寶，即喺豬皮、水魷同牛柏葉，前後共炒三次，焗多幾分鐘就可以食得，
三寶索晒雞香同醬汁味真係無得輸🤤，朋友話BB辣都幾辣，我就覺得唔算好辣，不過真喺食唔停口，雞煲仲可以無限添加，我哋食咗兩轉😆
食完雞煲就換湯底打邊爐，可以揀蕃茄薯仔湯或者麻辣湯底，我哋要咗前者，只嚟一次嘅海鮮盤同牛小排隨之送上，
仲有可以無限添加嘅西班牙黑豚肉🐷、三寶丸、三色餃🥟
牛小排牛肉味香濃，位於牛胸腔左右兩側嘅位置，清晰見到好似大理石紋咁嘅脂肪，食落肉質鮮美而且油花均勻，咬落質地柔軟肥嫩😋；
海鮮盤有生蠔🦪、蜆、兩款魚類同海蝦；
三色丸仲有驚喜，有一款芋泥豬肉丸咬落入面有綿密嘅芋泥，雖然用筷子吉開果陣好似暗瘡吱出嚟咁🤣，不過真喺幾特別食到七七八八緊喺叫埋其他嘢嚟試吓，
包括紫菜響鈴、生根、
自助去拎嘅菜籃等🥬，食到最尾仲有甜品送，不過個人覺得呢個燉奶就麻麻哋，比較淡味🥲另外一提飲品選擇都幾多，忌廉溝鮮奶、樂天果汁🧃、可樂、雪碧、各款茶類同清涼飲品等等，如果有埋竹蔗茅根就無得彈😛
Post
