247
5
4
4-min walk from Exit B6, Ngau Tau Kok MTR Station continue reading
Telephone
36188772
95858500 (whatsapp)
Introduction
It is a dog-themed restaurant. You can find the dogs everywhere, on the wall, in the menu, and even on the pot. You can enjoy the all you can eat hotpot set, with numerous choices of soup base and fresh ingredients. continue reading
Opening Hours
Today
07:30 - 23:30
Mon - Sun
07:30 - 23:30
Public Holiday
07:30 - 23:30
Public Holiday Eve
07:30 - 23:30
Payment Methods
Visa Master Cash Octopus
Number of Seats
180
Other Info
Online Reservation
Reward Dining Points
10% Service Charge
Above information is for reference only. Please check details with the restaurant.
About Reward Scheme
Review (265)
最近有朋友問我去哪裡火鍋,我都會推薦他們去觀塘這間哥基世一的火鍋店,有品質的食物和環境,絕對是可以讓食慾大增,還有感覺物有所值。而且最重要是無限時!想和朋友聚會都可以暢談!這次第二次來了,質素依舊不錯!店面以哥基為主的裝修,讓大家可以在食以外大飽眼福,哈哈!這次我們早到,先拍個靚照。飲品方面不算豐富,但很足夠,汽水或茶類都很多選擇,最重要涼茶也夠多。調味料地方,我另外有加5味粉~一開始我們小食各來了一份,都很好食!我特別推薦鮑汁雞腳和炸大腸。雞腳入味,炸大腸香脆。必吃!小食過後,便會上刺身,最令我喜歡的是大蝦,鮮甜又美味。在吃刺身的同時,上了雞煲,雞煲需要時間煮,服務員說分三次開蓋搞拌。中途要加入豬皮,魷魚和牛柏葉一同烹煮。香味撲鼻,太吸引了。而且雞煲調味一流,很開胃,麻辣做得很好。如果雞煲唔夠食可以加雞的喔!火鍋湯底我們選了牛尾湯。在湯ok之前,這個海鮮拼盤已經很吸引我。另外,為食牛肉拼盤一同來到。嘩~高級的不同牛肉部位都有,單單這盤牛肉已經值回票價。朋友是大廚,立即為我們主理雪花一口牛,牛肉的味道難以置形容,但千萬不要煮太耐。另外一同送到的鹿兒島茶美豚也很好味。任點的品種不算很多,但勝在夠特別,是其他火鍋店少有的選擇。 我們一行4人食得很過癮,又開心又飽足!而且為食火鍋職員服務又好,值得一讚!為食火鍋公司(觀塘)網址: https://s.openrice.com/QrbS09SaA00~uIpLMAw地址: 觀塘創業街15號萬泰利廣場地下C號舖 電話: 36188772 ===================== continue reading
(The above review is the personal opinion of a user which does not represent OpenRice's point of view.)
我哋今次就揀咗要$268嘅套餐(而且我覺得呢間舖頭最大嘅Selling Point就係可以無限時任食👍👍你想坐幾耐就坐幾耐)同埋我覺得呢間舖頭真心幾特別因為佢係要你順着嗰個Menu落去食(小食、跟住刺身之後雞煲,最後先打邊爐🤔🤔意思就係如果你已經去咗食雞煲嗰個步驟,就唔可以再叫返小食嘅)咁首先講咗小食先啦我自己覺得唐揚炸雞同埋酸甜炸大腸幾值得Encore因為佢哋真係新鮮滾熱辣炸起嘅🔥🔥(係熱都會出煙嗰種)前者食落去肉質幾嫩滑🤩🤩後者食落去幾酥脆、爽口咁之後就講吓刺身同埋雞煲啦刺身就包括有三文魚、赤背同埋甜蝦三款食落去都好新鮮而我當然最鍾意食三文魚啦😍😍雞煲食落去都真心幾濃郁幾乎每一嚿雞都勁入味😋😋之後再加埋豬皮同埋魷魚就更加出色(溫馨提示:呢個雞煲係可以瘋狂加雞,但係因為我哋食完呢個已經有少少飽就唔敢再加)食完雞煲呢個步驟就可以打邊爐啦首先係食咗海鮮先嘅我自己就比較食半殼元貝同埋生蠔🦪🦪前者係好少見到打邊爐有呢個選擇🤔🤔後者食落去真係幾新鮮、爽口跟住佢亦都有提供一個為食牛肉拼盤比較令我留低深刻印象嘅就係黃喉因為我真係第一次見🤔🤔食落去嘅口感幾爽口、彈牙SRF和牛版腱肉嘅油脂分布幾均勻☺️☺️牛頸脊同埋吊龍伴食落去就比較入口即溶一口牛食落去就比較煙靭😆😆(不過呢五款就唔係任食嘅)最後就講吓其他可以任食嘅肉類啦Prime肥牛片雖然食落去唔係最高質但係食落佢都好重牛肉香味😉😉而且亦都唔會覺得太Heavy豚肉同埋羊肉食落去唔會太乾最後就講埋我自己鍾意推薦邊啲火鍋配料啦我覺得佢哋嗰個濃汁牛肉丸同埋流心芋茸貢丸都係幾出色嘅前者食落去真係超Juicy😘😘後者一咬落去真係有好濃郁嘅香芋味(其實好想試埋嗰個芝士魚腸,但係可惜嗰日已經賣曬) continue reading
(The above review is the personal opinion of a user which does not represent OpenRice's point of view.)
Level4 2022-06-23
398 views
好耐冇出過去食火鍋喇~ 呢晚我同friend子就約埋去食無限時任食火鍋放題,有前菜、雞煲、刺身、海鮮及靚牛拼盤同埋任食指定火鍋配料,都只係$268加一,好抵食、好滿足呀~位於觀塘嘅【為食火鍋公司】~ 地方都幾闊落, 牆上面仲有可愛的狗狗backdrop, 見到特別開心~入座後, 店員同我地講解餐牌上嘅食法~先點前菜開開胃, 有5款提供, 包括: 炸大腸,鮑汁雞腳, 蟹籽沙律, 唐揚炸雞, 炸薯條~食到夠喉可以上一次性嘅三點刺身, 厚薄適中, 味道都幾新鮮, 而且份量都唔少啊~之後我地就轉戰雞煲(任食), 可以走辣或者揀大中小辣~ 雞肉都幾香嫩滑同入味, 一round唔夠喉想嚟幾多round都得~ 如果唔食雞煲可以揀酸菜魚(一次性提供)~跟著點埋湯底就可以開始食火鍋喇~ 我地點左皮蛋芫荽湯底清清熱~ 店員會先上一次性海鮮拼盤和牛肉拼盤, 好吸睛又高質!海鮮盤有蝦, 蠔, 蜆和元貝, 全部都好新鮮、鮮甜~牛肉有成五款靚牛呀!特別鐘意美國和牛板腱肉和手切牛頸, 好嫩滑~ 熊本雪花一口牛入口好香軟, 肉味濃郁~ 吊龍伴多肉汁, 黃喉好爽口~之後就可以無限免費追加超過30種指定火鍋配料, 包括肥牛片, 羊卷肉和豚肉~ 飲品都係任飲㗎!蔬菜和菇類可以自己出去拎~濃汁牛肉丸有驚喜, 入口爆晒汁~ 雲吞和水餃都好足料, 鵝腸幾滑幾乾淨~ 想點炸魚皮和響鈴, 可惜售罄了!下次要早啲落單喇!最後仲食埋個美味甜品,呢晚真係捧住個肚走呀!又要再一次同自己講「食左先減」~哈哈~ continue reading
(The above review is the personal opinion of a user which does not represent OpenRice's point of view.)
同事話公司附近有間可以任食雞煲火鍋好正,拉隊放工去試吓。$338一位,好有系統地分開五個環節:首先可以叫小食熱下身。小食有炸瘋薯條、甜蕃薯條、唐揚脆炸雞、蟹籽沙律、甜酸炸大腸、鮑汁雞腳。我地點了炸瘋薯條,炸雞同炸大腸,三樣都好食,當中炸雞絕對係高質,外皮炸至金黃脆皮,內𕚃雞肉嫰滑,鎖住了肉汁,熱辣辣香噴噴!不過知道好戲在後頭,所以無再加小食。 然後就上五點刺身盛合:有牡丹蝦、帶子、三文魚、油甘魚,北寄貝。三文魚油甘魚厚切,蝦同帶子都大大隻,連同埋北寄貝,全部都好新鮮。 第三步就可以點酸菜魚(一次性)或無限添加的雞煲。作為雞煲控的我是為著雞煲而來,不用選擇了吧。店員放下雞煲時細心地提示每兩分鐘翻一翻。當我們炒一炒雞同花椒八角香葉辣椒等配料,香味僕鼻,雞肉嫰滑,雞煲醬汁相當濃淆,完全做到色香味俱全。未食完已經急不及待要加多一份雞,如果唔係仲有後續,我會繼續加食到飽。 第四步曲就是揀湯底,然後海鮮上場。本身諗過試麻辣煲,但由於剛剛食過雞煲,還是選擇一個清清地嘅高湯牛尾湯底。海鮮拼盤上場:有蠔、蝦、蜆、脆肉鯇、龍𗄌片、鮑魚、元貝,應有盡有,豐富到不得了。蠔、蝦、蜆都非常有鮮味,脆肉鯇同龍𗄌片無骨啱曬我,鮑魚元貝大大隻,去到呢刻其實已經大滿足! 最終章是牛魔王大愛的豪食牛肉拼盤,包括有潮汕五花趾、吊龍伴、手切牛頸脊、熊本雪花一口牛、美國SRF和牛三角肉、板腱肉、澳洲M5和牛肩胛肉、澳洲封門柳。拼盤有以八款不同部位嘅牛各有特色,當中我最愛嘅係手切牛頸脊同熊本雪花一口牛,手切牛頸脊厚薄適中,肉質嫩滑有牛味,一口牛要灼耐少許但牛質又不會變韌,出色! 五步曲完成,食咗咁多肉之後,可以在出面自助吧拿些蔬菜清清罪惡感!這一夜很豐富,滿滿足足的捧著肚子離開了。 continue reading
(The above review is the personal opinion of a user which does not represent OpenRice's point of view.)
Level4 2022-06-08
575 views
《汪汪主題火鍋🐶》———————————————-#為食火鍋公司 🤤-之前上網見到間狗狗主題嘅火鍋好得意,睇得出店主好有愛心💗 經開觀塘就去食下呢間主打無限時嘅火鍋店,環境光猛,地方闊落,好啱同朋友嚟聚會👯‍♀️-一嚟到可以先嗌咗小食,有六款選擇,包括炸瘋薯條、甜番薯條、唐揚脆炸雞、蟹籽沙律、酸甜炸大腸同鮑汁雞腳,食咗幾款都唔錯,尤其個雞腳炆得幾淋入味😚 小食喺前菜上之前都可以任食,不過我地都係食左一轉小食留返個肚食其他野~-再嚟就會有三點刺身盛合,上面係油甘魚、三文魚同海蝦,都算新鮮,唔會有腥味同筋,過下口癮一流☺️-食完刺身就入正題,先嚟個任食寵寵雞煲,店員教先煮2分鐘,再開蓋加入豬皮同牛柏葉兜一兜佢,再閂蓋煮多6分鐘🔥雞嘅份量都幾多,十分惹味👍🏻-雞煲之後就可以揀湯底打埋邊爐,我哋揀咗牛尾湯,清清地都唔錯~ 🌊 打為食海鮮拼盤包咗鮮蝦、蠔、蜆同半殼元貝,相當新鮮,一啲都唔腥🦪🐮 為食牛肉拼盤十分豐富,有潮汕吊龍伴、手切牛頸脊、熊本雪花一口牛同美國SRF和牛板腱肉,牛味突出😚🐷 鹿兒島茶美豚呢款豬肉都幾特別,啲豬係由綠茶粉同甘薯所飼養,比一般豬肉嘅肉質更鮮味多汁,非常嫩滑🤤-除咗獨有嘅寵寵濃汁牛肉丸、流心芋茸貢丸同蟹籽沙律丸外,響鈴、魚皮餃、一口雲吞等等嘅經典配料都係任食,選擇多元,總有一款啱食☺️- ⭐價錢參考:(另收加一)無限時任食火鍋:$268🍌 抵deal 指數:7/10 continue reading
(The above review is the personal opinion of a user which does not represent OpenRice's point of view.)