四季芬芳

Open Now

Now Closed

放工同朋友兩個人近近地去食個晚飯。餐廳 - 四季芬芳 喺沙田新城市廣場。餐廳光猛整潔，用具等都好乾淨。食物由前菜，點心，飯麵等都有。我地叫左一個 前菜-花雕醉雞，前菜嚟講份量都幾多。望落雞肉有光澤，聞落好濃花雕酒味，食落就啱啱好，唔會太嗆。雞肉肉質嫰滑，好入味。小菜叫左個 蟹粉蝦仁，好足料。蟹粉有食到一絲絲蟹肉，蝦仁彈牙，不錯。點心就叫左原味小籠包同灌雞湯百花丸，醋用小針管插左喺上面，得意又幾好玩。小籠包皮薄，肉餡新鮮有咬口，好有質素嘅小籠包。灌雞湯百花丸，食落有雙重滋味，外皮好脆，蝦膠陣牙，中間雞湯 配醋又有另一種鮮味。好特別。的地仲叫左個 雙重黯然銷魂煲仔丼 share, 份量大約1.5人份量。有油香嘅扣肉同甜鹹嘅叉燒，飯粒充滿油香同兩種調味嘅香，再加埋溫泉蛋，食落fusion感重，好食！飲品就叫左樽裝嘅 竹蔗茅根馬薏米水，桃膠菊花桂花雪莉茶，清甜解渴，冇太多人工甜味，薏米，桃膠等材料有咬口。