羅東肉焿番

Open Now

Now Closed

去過台灣咁多次都無食過，第一次聽「羅東肉焿番」呢個名詞，所以好好奇想試，同埋無得飛，黎懷緬一番正宗嘅台灣風味。無諗過黎度元朗，呢間店都好多人排隊，都排咗起碼15-20分鐘。查下歷史，原來羅東肉焿番( 羅東肉羹番 )創立於六0年代至今已起過五十年歷史，創始人李詩欽先生於草創時期，因生活清苦，由嘗試過各種攤販小賣直到接觸焿湯食品，經過不斷更新口味，不斷研究食材，直到確定自己嘅特殊口味，從名不經傳嘅手推車，漸漸打響其知名度，仲將呢個地方性嘅特色小吃，搬上國宴嘅舞台。我自己覺得「羅東肉焿番」個芡個texture有d似香港嘅碗仔翅，湯都幾濃稠，但材料更豐富，有「肉焿」，完整嘅豬肉塊，肉質紮實鮮嫩。第一次品嘗，覺得幾特別，值得一試。另外，每次食台灣野，必點魯肉飯，魯肉飯肥瘦適中，唔油膩，啖啖肉，仲有溏心蛋，正。仲有叫咗d小食，我至愛嘅四季豆，梅甘地瓜條又係必點，士林香腸，好滿足!! 推介encore呢間小店!!