SABROSA

Open Now

Now Closed

去行維園花市前都總係要醫肚先嘅，上次同朋友去左一間好味又夠Chill嘅西班牙餐廳，所以就再食個豐富午餐先啦！餐廳內嘅燈光柔和得嚟又帶啲昏暗，有格調又有氣氛。先嚟兩杯好啱打卡嘅Fruit Punch同Pussyfoot，入口好清新，味道仲唔錯添。小食叫左個 傳統西班牙蛋餅配風乾火腿，依個西班牙蛋餅真係好好食，有洋葱、馬鈴薯做內餡再配以厚厚嘅蛋餅，食落口感鬆軟又豐富。我個人覺得連帶鹹香味嘅風乾火腿一齊食，個味道仲更加出色添。主菜就嚟一個 傳統西班牙烤乳豬， 慢煮蘋果蓉、些利油烤豬汁，乳豬皮薄又香脆，而肉質非常嫩滑又腍身，當中帶有少少油脂，所以食落口感層次豐富。當中配有兩款醬汁，但我覺得醃得好入味，所以唔洗蘸醬汁都已經好好食，當然蘸上酸甜嘅蘋果蓉一齊食就可以中和點點嘅油膩感，兩種食汰都一樣好。之後就嚟一個 香辣蟹肉墨汁意粉，意粉帶有少少辣味，但又唔會蓋過墨魚嘅香味，意粉口感好彈牙，而且蟹肉份量算多，所以食到最後都可以每次食意粉時都有蟹肉伴住，感覺唔錯。最後就嚟一個甜品 傳統西班牙焦糖布丁 ， 濃濃蛋香嘅布丁再加上一層厚實嘅焦糖，味道甜甜得嚟口感細膩而且非常柔滑，教人如何不喜歡呢。