天天海南雞飯 (ELEMENTS圓方)

Open Now

Now Closed

以前都嚟過Element 呢間天天海南雞飯，食過之後，覺得d野食好好味，一直都想搵時間再嚟食。🥰🥰🥰今次同朋友見有時間，就專誠搭地鐵過嚟食晚飯，發覺食物水準依然高，一樣咁美味。而且，今次仲發現左好多新款嘅菜式，以前都無㗎。呢d菜式仲要都得到米芝蓮獎添💗💗💗。我地兩個人見到個餐牌，樣樣都想試吓。首先，叫左黑磨鼓汁牛筋牛腩，牛腩煮得入味，而且唔會太硬咬唔開。💗黑椒鵝肝醬花膠，呢個組合認真新鮮。花膠同鵝肝醬，好少聽到會放埋一齊。好似中西合璧咁，但又估唔到，都可以夾到。味道都唔錯嫁。😋黑松露墨魚蝦多士。黑松露好香，又濃味。蝦多士又炸得鬆脆。充滿懷舊情懷。斑蘭汁椰香鱈魚，鱈魚粒炸得香脆，再掂上椰汁，甜味中和油膩感，又係一個新鮮嘅配搭。👍最後，當然要提到雞油飯，超級正。雞油香噴噴。喺我嘅至愛。😍😍😍有時間，一定再嚟幫襯。