大喜屋 (Closed)

依家放題幾乎千篇一律，要突圍而出，真係要攪攪新意思，好似呢間放題咁，有燒黃花魚，只要加少少技巧，已經可以令條魚又鮮又甜，放題食燒魚真的比較少。又有辣的鴨舌，個汁都幾辣，但鴨舌就好爽啦。另一個推介，是馬拉盞炒芥蘭苗，真係好香好爽口。依家呢度食刺身仲有長腳蟹食，刺身當然好新鮮啦，長腳蟹亦都相當甜美，食完感覺已經值回票價。其他燒物及炸物都做得好好，尤其天婦羅，脆漿又薄又脆，真係食到停吾到喔！甜點又多又精緻，仲有精選雪糕；呢間放題，真是令人食過返尋味！