曼谷車站

Open Now

Now Closed

呢間鋪頭裝修都幾特別，係間火車頭店，同店名相輔相成。我同家姐嗌左2份主食，2份小食。一份主食係冬陰功炒飯，個人覺得超級好味。炒飯辣辣哋盡係冬陰功味道，而且分量又多，配料有荷包蛋有蝦有菇，好抵食。另一份係泰式炒金邊粉，加入青檸汁，粉絲酸酸哋，好開胃。配料又多樣，最特別係有花生碎，撈埋一起吃好得意。小食嗌左泰式串燒和炸春卷，串燒有雞，牛，豬各2串，配有沙爹汁。雞肉嫩滑，豬肉味濃，牛肉彈牙。炸春卷有5條，切成10份，一口一啖，好方便。沾點泰式酸辣醬，酸酸熱熱。今日又係滿足啲一餐。