囍越 (屯門市廣場) (Closed)

今日去買波鞋經過見到間越南野未食過就拿左飛再行左大約半個鐘有得入去。入去到我地叫左小食，面，野飲同甜品食。馬拉盞通菜：份量多同炒得夠淋身，好入味而吾咸。蛋網海鮮炒金邊粉：蛋整得好薄身，金邊粉煮得剛好仲有口感，少少酸的醬汁好醒胃，如果海鮮分量更多就更好。豬頸肉配濱海：原來濱海係米粉整出黎的網，吸晒汁好入味吾咸，豬頸肉夠厚身而又淋同邊有少許香口味，如果生菜細片少少就更好。芒果沙冰和三色冰：沙冰朋友覺得似芒糖味一般，三色冰椰汁味出色好味。最後我地食甜品作結尾芒果黑糯米飯：糯米煮得好有口感，椰子味都香但吾夠，芒果本身好味但偏酸左少少。