寿司の神 (Closed)

元朗最近多了不同類型的特色食肆，今天朋友邀請我一同到位於元朗大馬路附近去吃廚師發辦。佢門面頗為光鮮，座位非常闊落，俾我們輕輕鬆鬆咁食一餐。前菜估不到只是前菜已有性質不同的料理那麽的豐盛！有靜岡蕃茄，北海道白粟米，麵豉蒜頭，薑，蘿蔔各式其式。刺身五款 - 麥金鯛配以岩鹽。廣島生蠔配以清新的馬糞海膽，蠔夠晒大隻同有蠔味，令人醒神的刺身。新鮮八爪魚，配以竹炭鹽介辣的嫩葉。池魚tatachi，將蔥同調味撈埋，仲可以用紫菜夾住。以及還有配料清新的炙太刀魚。鮮魚方面每味都非常之新鮮味美，有香濃嘅魚味，岩晒啲鍾意食魚嘅人。另外佢好細心地配以配料以用來作調味之用。壽司十貫 - 首先來到的是赤睦配以辣蘿蔔，給人辣辣的感覺，淡淡爽口的赤貝，深海池魚配以柚子胡椒。之後有馬糞海膽配以竹炭鹽，北寄貝-師傅特別將佢拍一拍，神經收縮仲爽啲添，沙甸魚配以薑。還有帆立貝配以竹炭鹽，小肌，赤身，真拖羅。非常豐富的！湯物吃完刺身和壽司後，已非常飽了，但幸好沒錯過一樣出色的洋蔥湯。甜品最後來個靜岡哈密瓜，為完美的廚師發辦畫上句號！