Video
Read full review
2017-11-25
334 views
今次終於都試到依間好出名既樂天大喜屋，聽朋友講依間唔一早book位就會full晒無位比你walkin，所以襯著今次有朋友生日就一早book左夜晚6半至8半既時段。準時6半入到去，個場仲未坐滿人，就咁望成個場環境幾好，係燈光有少少暗。拿拿林落完order就去自助區同飲品區度拎野食，自助區既款式都算多，雖然唔食生蠔，但都好少會有放題有生蠔食，而且熟食離遠都聞到香味。可能因為黎得早，拎完野食番到埋位無耐，啲野食就好快就上到成枱都係，清都清唔切添！ 最值得一讚既係佢既刺身，淨望餐紙已經知款式夠晒多，我地依班刺身愛好者就唔理二七廿一，有啲款式一落就落十幾件。而最驚喜既地方係佢送黎既時候，真係唔會送漏比你。啲刺身除左厚切又新鮮，Wasabi亦都夠晒辣，唔會好像其他放題咁淨係得甜味，完全唔夠喉。至於其他野食，當中既榴連炸蛋同玉子燒亦都高質，天婦羅同壽司都OK，而串燒就再熱啲會更好啦。 haagen daz就得一次免費，有曲奇味、濃朱古力味同埋好高質既caramel biscuit&cream味，真係食完一盒仲想食多盒，唔知佢會唔會係樂天大喜屋既期間限定呢，依排準備去食既朋友一定要試下隻caramel
拿拿林落完order就去自助區同飲品區度拎野食，自助區既款式都算多，雖然唔食生蠔，但都好少會有放題有生蠔食，而且熟食離遠都聞到香味。可能因為黎得早，拎完野食番到埋位無耐，啲野食就好快就上到成枱都係，清都清唔切添！
最值得一讚既係佢既刺身，淨望餐紙已經知款式夠晒多，我地依班刺身愛好者就唔理二七廿一，有啲款式一落就落十幾件。而最驚喜既地方係佢送黎既時候，真係唔會送漏比你。啲刺身除左厚切又新鮮，Wasabi亦都夠晒辣，唔會好像其他放題咁淨係得甜味，完全唔夠喉。
至於其他野食，當中既榴連炸蛋同玉子燒亦都高質，天婦羅同壽司都OK，而串燒就再熱啲會更好啦。
haagen daz就得一次免費，有曲奇味、濃朱古力味同埋好高質既caramel biscuit&cream味，真係食完一盒仲想食多盒，唔知佢會唔會係樂天大喜屋既期間限定呢，依排準備去食既朋友一定要試下隻caramel biscuit&cream！
淨係食一盒haagen daz緊係唔夠喉啦，所以都去左試隻自己加配料既乳酪雪糕同埋士多啤梨味蛋糕仔，乳酪雪糕就唔淨係得依間有，但個蛋糕仔真係比到驚喜我，入面有士多啤梨果醬，酸酸甜甜唔會濟。其實仲有好多甜品想試，見到佢有兩款味道好特別既奶凍，但真係太飽既關係無試到，有啲可惜。
總括黎講，旺角既依間樂天大喜屋位置方便，價錢合理，種類多而CP高，值得推介比大家去嘗試架。
Post
