1
最近我去金馬倫道行街，比一間新開嘅石燒牛店「牛匠石燒」嘅香味吸引咗，然後就同朋友狗衝入去試下！😍🤤
打開Menu，石燒牛定食有平有貴，視乎揀選嘅部位，價錢由HK$98至HK$228左右，豐儉由人。唔想下下食石燒牛咁熱氣，店家亦有較平宜嘅日式定食，最平HK$48有交易，價錢上真心唔貴。
✦ 石燒A4和牛肉眼定食
我係牛魔王，要食就食最貴嘅A4和牛肉眼定食！🤤我勁鍾意和牛肉眼細緻豐腴嘅雪花紋，輕輕一燒即食得，肉味濃厚且超Juicy，真係好鬼正！
✦ 鹽蔥薄切牛舌 (單品)
除咗和牛肉眼，其次我嘅至愛就係牛舌！店家有賣厚切及薄切，我今次揀薄切，快啲熟，早食早享受！❤️🤤
牛舌品質唔錯，肉質煙韌又彈牙，夾埋燒京蔥及粗鹽一齊食，真係好惹味！
✦ 鹽燒有頭大虎蝦
勁鍾意食虎蝦！牛匠石燒嘅虎蝦勁大隻，中間切開攤平，都有一隻手掌咁大呢！肉質唔會燒得乾柴，爽口又鮮甜，最正係要吸埋個蝦頭！啲蝦膏勁香甜，撈飯食勁正！
✦ 溫泉蛋
正正常常，溫泉蛋幾滑幾香濃！我好愛用佢嚟加飯食！
✦ 牛匠彩虹鮮果茶
Menu話呢款係店家嘅主打特飲，真係好多水果呢！目測有西柚、青檸、藍莓、菠蘿及士多啤梨，非常足料！食完油膩嘢，飲個水果茶係幾解膩！
