Video
Read full review
2021-03-23
18 views
牛魔王駕到，鍾意食牛嘅我今次嚟到旺角天下糧倉牛肉火鍋放題， 每位198蚊任食放題， 價錢真係好抵， 去打邊爐食碟手切牛都二百幾蚊啦，今次係任食8款不同部位牛肉選擇，正呀。外面醬料區有好多選擇，如果你懶得諗嘅話可以試下餐廳已經準備好嘅秘製醬油， 仲有福字麵、烏冬、響鈴同生根提供。任食牛肉包括 ：封門柳最愛封門柳，油花少，肉味比較濃， 夠曬嫩滑又好淋身， 打邊爐真係正到爆SRF美國黑毛和牛幼嫩多汁， 口感軟嫩，油花。豐富鮮牛肉鮮牛肉，軟滑多汁，牛味香濃。牛板腱 油花分伂均勻， 朋友特別喜歡佢中間嗰條筋， 食落去脆脆地有口感安格斯牛頸脊牛頸脊呢個部位幾有咬口，脂肪少啲肉味都好濃郁。牛脷片牛脷片本身就係有彈性有口感， 平時多數食燒牛舌， 原來打邊爐都幾正。金錢展甘甜爽脆， 口感煙韌，肉味濃郁。一級肥牛肥牛肥瘦均勻，入口軟熟，油脂比例剛好。以上八款牛肉個人最喜歡都係封門柳，牛味最濃，除咗牛肉之外，外面仲有自助配菜區， 好多唔同嘅蔬菜、丸類、蟹柳、 牛柏葉等等， 任君選擇。 食完呢八款肉，我哋已經飽哂，如果有大胃王可以再encore。 飲品嘅選擇都好多有好多無糖茶類， 韓國飲品等等， 食飽飽最後梗
外面醬料區有好多選擇，如果你懶得諗嘅話可以試下餐廳已經準備好嘅秘製醬油， 仲有福字麵、烏冬、響鈴同生根提供。
任食牛肉包括 ：
封門柳
最愛封門柳，油花少，肉味比較濃， 夠曬嫩滑又好淋身， 打邊爐真係正到爆
SRF美國黑毛和牛
幼嫩多汁， 口感軟嫩，油花。豐富
鮮牛肉
鮮牛肉，軟滑多汁，牛味香濃。
牛板腱
油花分伂均勻， 朋友特別喜歡佢中間嗰條筋， 食落去脆脆地有口感
安格斯牛頸脊
牛頸脊呢個部位幾有咬口，脂肪少啲肉味都好濃郁。
牛脷片
牛脷片本身就係有彈性有口感， 平時多數食燒牛舌， 原來打邊爐都幾正。
金錢展
甘甜爽脆， 口感煙韌，肉味濃郁。
一級肥牛
肥牛肥瘦均勻，入口軟熟，油脂比例剛好。
以上八款牛肉個人最喜歡都係封門柳，牛味最濃，除咗牛肉之外，外面仲有自助配菜區， 好多唔同嘅蔬菜、丸類、蟹柳、 牛柏葉等等， 任君選擇。 食完呢八款肉，我哋已經飽哂，如果有大胃王可以再encore。
飲品嘅選擇都好多有好多無糖茶類， 韓國飲品等等， 食飽飽最後梗係要食返啲甜品啦，呢度嘅雪糕有三款口味椰子菠蘿、焦糖同海鹽。
天下糧倉性價比高，牛肉質素非常好，牛魔王唔可以放過。
Post