Video
4-min walk from Exit E2, Mong Kok MTR Station
continue reading
Telephone
66618096 (或WhatsApp查詢)
Introduction
There are several choices of soup in this hot pot restaurant, such as beef bone soup, Chongqing style. It also offers the twin-sides hotpot. You can order different kinds of platter, such as beef, pork and seafood.
continue reading
Additional Information
訂枱五位以上必須 WhatsApp與我們聯絡
訂房間 及查詢優惠必須 whatsapp聯絡我們
Opening Hours
Today
17:00 - 03:00
Mon - Sun
17:00 - 03:00
Public Holiday
17:00 - 03:00
Public Holiday Eve
17:00 - 03:00
Above information is for reference only. Please check details with the restaurant.
About Reward Scheme
又到旺角拎文件，然後帶司機食餐飯，天下糧倉，牛肉火鍋的專門店，和牛火鍋放題任食，性價比高，絕對令人驚艷。和牛火鍋放題（任食）鴛鴦鍋底- 蕃茄羅宋湯- 喇沙湯選擇了鴛鴦鍋底，蕃茄羅宋湯清新，喇沙湯香辣，配搭牛肉食就最啱，一次過兩款滋味。究極和牛放題兩小時任飲任食，任食以下肉類，店員首先奉上精美的一盤靚牛肉上枱，有齊晒所有牛肉款式，我哋食了這一盤高質牛肉已經飽飽了，唔爭氣冇encore。澳洲M7和牛Prime牛板腱安格斯牛肩胛一級肥牛封門柳澳洲和牛金錢展牛脷片鮮牛肉這自家製的牛肉拼盤，選擇相當豐富，特別是澳洲M7和牛，肉質鮮嫩，脂肪分佈均勻，入口即化，帶著淡淡的甜味。Prime牛板腱則有著彈牙的口感，適合喜愛嚼勁的食客。而安格斯牛肩胛的肉質緊實，散發著濃郁的肉香，令人垂涎。封門柳的獨特風味，帶有一絲細膩的脂肪，完美適合涮煮。而澳洲和牛金錢展及牛脷片則是火鍋中的必試之選，輕輕一涮即能感受到肉質鮮嫩多汁。豬梅片、涮羊肉，今次已經吃不下了，下次要來試吓！自助區與飲品自助區的火鍋配料應有盡有，蔬菜、丸類、餃子一應俱全，可以隨心所欲地搭配。任食的時段中，還包括了各式汽水、出邊街好少飲到的氣泡涼茶及特色乳酪雪糕，為火鍋的辣味帶來一絲清新。總結，天下糧倉的牛肉火鍋，高質和多樣性選擇，極具性價比，朋友聚會或家庭聚餐都是不容錯過的熱點！
continue reading
最近天氣凍咗，好適合打邊爐，今次同朋友嚟到位於旺角嘅天下糧倉牛肉火鍋專門店，位置喺鬧市方便就腳。可以任食到澳洲和牛放題，包括湯底、8款牛肉、另外自助區提供多款火鍋配料、飲品、雪糕等，性價比高。究極和牛放題店員先上一大盤牛肉拼盤，牛肉種類繁多，拼盤有澳洲M7和牛、Prime牛板腱、安格斯牛肩胛、一級肥牛、封門柳、澳洲和牛金錢展、牛脷片、鮮牛肉等，另外仲有豬梅片同埋涮羊肉提供。個人鐘意澳洲和牛，雪花分佈均勻，牛肉味濃；Prime牛板腱，嫩中帶爽，彈性十足，肉味濃郁。湯底火鍋湯底用上龍鼎鍋盛載，好有氣勢，而湯底選擇超過10款，我哋選擇咗鴛鴦湯底，芫荽皮蛋鍋拼豬骨栗米湯，芫荽皮蛋鍋，湯底用料十足，好多芫荽，味道清新，好啱芫荽控；豬骨栗米湯，健康養生，粟米好甜，味道清潤鮮美。火鍋配料自助區自助火鍋配料肉類有五花腩、豬頸肉、牛百葉、雞中翼中、午餐肉、大腸頭、鵝腸、紅腸等；丸類有牛丸、香菇貢丸、墨魚丸、海膽丸等；餃子類有粟米豬肉、白菜豬肉、韭菜豬肉等；蔬菜類有油麥菜、唐生菜、娃娃菜、金菇、蕃茄、白蘿蔔、冬瓜、蓮藕、萵筍等。粉麵類有前一丁、辛辣麵、福麵、銀針粉、烏冬等；另外海鮮類有青口、水魷。個人鍾意鵝腸，肥美新鮮，口感爽脆彈牙。飲品自助區飲品種類好多，有可口可樂、鴻福堂支裝涼茶飲品、韓國樂天忌廉溝鮮奶、鮮蘆汁薈等，另外最特別嘅係有龜苓膏提供，啱晒打完邊爐之後清熱解毒。個人鐘意忌廉溝鮮奶，口感香甜順滑。雪糕自助區有本地品牌嘅雪糕提供，口味亦都多元化，有雲呢拿、伯爵茶、綠茶、海鹽、薄荷、香芋、芒果同埋蜜瓜，另外仲有豆腐同埋咖啡雪葩。
continue reading
✨ 諺語有云：抵食夾大件 衝！😂講緊既係位於旺角二百零蚊食M7 和牛火鍋放題 既天下糧倉 ..澳洲M7和牛，Prime牛板腱，安格斯牛肩胛一級肥牛，封門柳，澳洲租牛金錢展，牛脷片鮮牛肉 另外重有豬梅片同埋涮羊肉比你選擇呢個陣容食肉獸們可以嗚鼓出擊！.點完餐上台成盤牛肉 係鋪滿成盤 份量令人嘩然.八款牛肉無論係口感、味道，或者肉質，各有特色二百幾一位一晚試晒咁多款牛 呢一點十分不錯.Btw! 今日既MVP!!澳洲M7和牛同鮮牛肉.🥩澳洲M7和牛 有大理石紋 入口即溶🥩鮮牛肉 肉質新鮮 勁鮮嫩 ！兩款我地係添食再添食😂現場都有數十款邊爐嘅配料 俾你哋選擇另外店舖好細心 知道打邊爐燥熱 雪櫃提供龜苓膏俾你哋任食 🥰 加分
continue reading
朋友牛一，所以今晚到此生日飯，食靚和牛放題。二百几個大洋可以無限時任食，方便我倆聚一聚，慢慢食慢慢傾。自助區有火鍋基本食材調味料飲品櫃，全都有。在多款湯底裡，牛骨湯味道較清，可以突顯靚牛肉的原味，所以選擇潮州牛骨湯。先把湯底煮至大滾，倒入不同的蔬菜，再下調火力，等湯底轉為蝦眼水。然後就是一盤牛拼盤了。不同部位的牛肉排得整整齊齊。我倆比較喜歡由不肥膩的牛肉開始！牛脷片 以牛脷芯為主，鋪在娃娃菜上，以蝦眼水浸熟，容易控制生熟程度，所以口感滑滑又帶脆口。安格斯牛肩胛 紅多白少，以肉質纖維為主，用浸泡的方式，容易控制生熟程度。個人覺得：在粉紅色剛剛消失的一刻，肉質就是最滑。牛板腱 以紅為主，中間一條半透明筋腱容易辨認。 牛板腱的肉香為主，要用浸。封門柳 這是連接橫隔膜的肌肉，色澤最鮮艷，肉味最濃。當然選用浸熟的方法，保證肉質滑滑。澳洲和牛金錢𦟌 筋腱較多，煮熟後會收縮，容易丟失。最好置於撈撈上，在湯底裡浸泡。澳洲M7和牛 白多紅少，以為很肥膩。M7口感爽脆，有肉香也有油香。鮮牛肉 朋友喜歡鮮牛肉，取來大量生菜，然後把所有鮮牛肉全部＜車＞落去。鮮牛肉口感，就是茶餐廳嗲牛麵那種牛肉。一級肥牛 面對一叠肥牛，我倆用最快方法，將全部肥牛＜車～曬～落～去～ ＞，煮呀煮！午餐肉配多多茜 打邊邊就想來一件午餐肉，再加多多鹽西做中和。煮過多款靚牛，鍋裡充滿牛肉精華肉汁。來一碗真～牛肉清湯，正！然後一人一杯雪糕。
continue reading
最近去咗旺角一間抵食嘅和牛火鍋放題，餐廳空間感夠，適合食飯傾計，非常舒服。重點係食物幾好！一入座就有牛肉拼盤，份量十足，令人驚喜。食完呢個拼盤之後，仲可以用紙仔再點，非常方便。呢度任食10款肉類，包括澳洲M7和牛、Prime牛板腱安格斯牛肩胛、一級肥牛、封門柳、澳洲和牛金錢展、牛脷片、鮮牛肉、豬梅片同埋涮羊肉，選擇多到你睇到眼花。每款肉質都相當新鮮，口感滑嫩。澳洲M7和牛係來自澳洲嘅高質量和牛，脂肪分布均勻，肉質越滑嫩，有大理石紋理，食落去入口即溶，味道濃郁！Prime牛板腱安格斯牛肩胛，有豐富嘅肉汁肉味，非常柔軟。鮮牛肉係新鮮牛肉，牛肉質地細膩，唔好淥太耐，可以保持肉質鮮嫩。幾種牛肉各有特色，無論係口感、味道，或者肉質，都能喺火鍋中帶來不同嘅享受，非常值得一試！自助區方面都有各款火鍋配料、蔬菜同醬料，仲有汽水同雪糕，選擇多樣，應有盡有，滿足到每位食客嘅需求。如果你係23:30入座，任食時間可免費延長至03:00，真係非常抵，可以慢慢享受美食，唔需要趕時間。呢間和牛火鍋放題真係值得推介！無論係食材質素、環境，或者服務都讓人滿意，是一個非常適合聚餐嘅好地方！
continue reading