東京チカラめし (Closed)

東京チカラめし開咗都有一段時間，平日下就都KEEP住有人排隊，令我好期待試呢間日本燒牛丼專門店！！坐底之後掃QR CODE落單，圖文並荗勁方便～有齊牛丼、豚丼、咖喱、定食、配菜等選擇。旨辛燒牛肉丼 燒牛肉丼有齊三個份量揀，包括基本、大、重量級，諗住同好友SHARE再叫幾款小食同配菜，所以最後揀咗大SIZE。牛肉丼一上枱賣相好吸引，奉送流心溫泉蛋，拌飯一流～即叫即燒牛肉熱辣辣又多肉汁，配埋香濃醬汁，勁滋味😋沙律菜好爽脆，仲有香甜粟米粒。唐揚炸雞有三大件，鹹酥香脆又JUICY，性價比高。最後追加咗燒牛肉同燒豚肉，兩者油花豐富，醬汁濃度岩岩好，好正。