熊本牛鍋 (永勝商業中心)

Open Now

Now Closed

診住太太同佢朋友去咗旅行，就約咗二哥去咗位於尖沙咀山林道21号永勝商業中心二樓嘅熊本牛涮鍋，食佢出名嘅美國安格斯牛小排放題，好在訂咗位，如果唔係又排等，因為係食二小時，侍應俾咗兩個位我地，二哥揀咗嗰蕃茄薯仔豚骨濃湯做湯底，有加拿大豚肉，日本雞肉，又有美國安格斯極級別嘅牛小排。大廳放咗一系列火煱配料，包括有蝦滑，牛丸，貢丸，芝心丸，粟米，蔬菜類都有多種，飲品都有許多選擇，我先試牛小排，好冧，牛味濃，二哥出去攞咗一大碗火煱配料，蝦滑都好彈牙，啲肉類不停咁重覆叫，飲品都飲咗幾款，二小時任食嘅時間過得特別快，唯有下次再來。