🍴 Ceviche De Avocado $88
其實係咪即係牛油果他他 🤭 係以牛油果，青瓜，蕃茄，洋蔥混合而成！旁邊亦配上墨西哥脆片，將配料放上墨西哥脆片食唔覺唔覺就會食晒成碟🤫 不過呢道菜真係非常清新同埋開胃食完一啲罪惡咁都冇😝 係非常不錯的開胃菜！🫶🏻
🍴 Grilled Adobo Beef and Pork $168
係一道以烤牛肉同埋烤豬肉做主題嘅主菜! 另外配上三塊薄餅，蕃茄，生菜，同埋兩款自家製嘅辣汁！牛肉同埋豬肉烤得非常惹味，夾埋蕃茄，生菜同埋薄餅食真係無得彈 🌯
🍴 Avocado Ice-cream $88
食到最後點可以唔以甜品作結呢🤤 店員喺我哋用餐嘅時候已經同我哋介紹呢一個牛油果雪糕係佢哋嘅招牌甜品！ 店員將個甜品遞上枱嘅時候真係俾佢嚇親，因為賣相真係太似牛油果啦🥑 咁大個女真係未食過牛油果味嘅雪糕 牛油果味好香濃 中間亦用咗芒果雪葩扮成牛油果中間粒核 (創作呢個甜品既人真係非常有創意!) 除咗外型吸睛之外，味道亦非常清新亦可以一解主菜殘餘喺口腔嘅味道💕
