GAIJIN

Open Now

Now Closed

依家終於開放返晚市堂食，但係我哋都係選擇食lunch set! 百零蚊可以食個套餐，但係想食貴啲都有貴啲嘅選擇，而且質素非常之好，除咗有服務之外環境都一流！一開始會有餐包，個餐包同其他餐廳唔一樣，除咗夠熱之外，仲係類似蒜蓉忌廉嘅餐包，而且牛角包食完之後都好開胃！佢嘅蟹肉沙律食落去都好鮮甜，成個沙律都好有味，唔會好淡好清個種。之後我就嗌左牛扒，前菜仲要係比較西日式嘅風格，有四季豆，薯仔蛋等等，四季豆唔會好咸，反而配埋牛扒一齊食，會覺得清清地，中和返牛扒嘅油脂。牛扒嗌左5成熟，就算唔使點汁或者鹽都好好食，完全鎖晒牛嘅肉汁係入面。而最後嘅甜品真係好好食，佢嘅珍珠造型係有少少類似芒果芝士蛋糕嘅味道，但食完之後又會好飽。