Video
Read full review
2022-09-16
609 views
古琴雅苑素以招牌片皮鴨而廣為人知，今晚相約咗家人來到灣仔 QRE Plaza店， 由於係為家人慶祝生日， 所以只有預訂今日日子， 但因為太多人預訂關係， 頭輪已經預約滿， 故仔好預訂第二輪， 但準時嚟到還是要等十分鐘左右才可安排入座。見到餐牌有個四人餐好吸引， 同家人商議一輪後決定叫呢個餐。首先上檯係雞絲粉皮同松花皮蛋豆腐， 雞絲粉皮醬汁夠曬多， 撈勻之後食好好味，至於個皮蛋豆腐賣相都 ok，豆腐都好滑，唔錯。香菜鮮魚羹，味道一般般。農家醬爆牛肉，牛肉用農家醬爆炒後好惹味，不過味道稍鹹。醬香雞用冬笋同冬菇炆，收汁做得幾好，味道唔錯。烤北京填鴨，鴨烤好後由師傅切出口感鬆脆嘅鴨胸皮（一口酥），有五片用碟仔奉上，蘸上砂糖/黃梅醬同吃入口油香四溢，其餘部份皮同肉比例恰到好處，烤鴨皮脆肉嫩，配上醬料、京蔥、青瓜同哈蜜瓜同吃，口感豐富，令人回味！風味松子魚，師傅刀功一流，醬汁酸酸甜甜，好醒胃，魚炸過後都仲好嫩滑，值得一讚！乾煸四季豆，四季豆拉油後用欖菜同肉碎再爆炒，好夠鑊氣又夠乾身！古琴咸肉炒飯，本來已經好飽，但見到個賣相都幾好，忍唔住試咗兩啖，又幾好味喎！最後還有腰果露同桂花糕，個腰果露就麻麻
古琴雅苑素以招牌片皮鴨而廣為人知，今晚相約咗家人來到灣仔 QRE Plaza店， 由於係為家人慶祝生日， 所以只有預訂今日日子， 但因為太多人預訂關係， 頭輪已經預約滿， 故仔好預訂第二輪， 但準時嚟到還是要等十分鐘左右才可安排入座。
見到餐牌有個四人餐好吸引， 同家人商議一輪後決定叫呢個餐。
首先上檯係雞絲粉皮同松花皮蛋豆腐， 雞絲粉皮醬汁夠曬多， 撈勻之後食好好味，至於個皮蛋豆腐賣相都 ok，豆腐都好滑，唔錯。
香菜鮮魚羹，味道一般般。
農家醬爆牛肉，牛肉用農家醬爆炒後好惹味，不過味道稍鹹。
醬香雞用冬笋同冬菇炆，收汁做得幾好，味道唔錯。
烤北京填鴨，鴨烤好後由師傅切出口感鬆脆嘅鴨胸皮（一口酥），有五片用碟仔奉上，蘸上砂糖/黃梅醬同吃入口油香四溢，其餘部份皮同肉比例恰到好處，烤鴨皮脆肉嫩，配上醬料、京蔥、青瓜同哈蜜瓜同吃，口感豐富，令人回味！
風味松子魚，師傅刀功一流，醬汁酸酸甜甜，好醒胃，魚炸過後都仲好嫩滑，值得一讚！
乾煸四季豆，四季豆拉油後用欖菜同肉碎再爆炒，好夠鑊氣又夠乾身！
古琴咸肉炒飯，本來已經好飽，但見到個賣相都幾好，忍唔住試咗兩啖，又幾好味喎！
最後還有腰果露同桂花糕，個腰果露就麻麻地，桂花糕就幾好味！
總結：呢個四人餐，份量都幾多，我地四個成年人都食唔哂，整體味道唔錯，片皮鴨同松子魚最值得推介！
Post
