肥姐小食店

Open Now

Now Closed

喺旺角掃街相信係唔少 人都鍾意嘅活動，因為旺角實在太多小食店啦，每次路過都聞到好香嘅味道，總係忍唔住拮返一串半串，就算魚蛋又好，串燒又好，總之食番少少嘢過口癮，總係幾開心嘅。旺角掃街方面，不得不提呢間肥姐小食店每次經過總係有唔少人排曬長龍。 但係佢嘅滷味 的確係幾好食，就算排一陣隊都在所不惜。我就叫左一串生腸同埋墨魚，先講生腸，食落非常爽口，而且乾淨，唔會有一般嘅豬臊味， 加埋甜醬同芥辣醬， 好好食。墨魚都好彈牙，而且食落好爽脆， 煙煙靭靭。 不過份量唔算太多，而且肥姐不定期都會加價，相對以前已經冇咁抵。