爆丼屋 (Moved) New Location

上網睇到介紹話爆丼屋啲丼飯好足料，一直都想試下。上午11點左右到就已經睇到鋪頭入面坐滿曬人，門口已經開始排隊，等咗十幾分鐘就可以入去食～環境：店面非常識利用空間，人與人之間嘅距離比較小。服務：工作人員非常熱情，招呼周到。剛剛開始個時杯水飲咗一淡就即刻嚟加水，但到食到七七八八飲曬水都冇人加水😂。食物：1.火焰三色盛丼食材還算新鮮，不過唔係喺面前燒就有小小失望，而且燒完冇熱熱地嘅感覺。一層魚生下面係滿滿嘅一碗飯，超級大碗，女仔估計食唔曬。2.三文魚火山盛丼中間啲拖囉崧有啲難接受，口感好似食緊其他人咬完吐返出嚟嘅肉咁。其他食材新鮮，感覺呢碗俾火焰三色盛丼嘅魚生要多，不過個人覺得三色好食啲。3.壽司定食食材新鮮，味道方面不過不失。菜單：唔知點解，午市套餐比單獨嗌平。