午市套餐每位＄198
❤️跟餐配漬物、天然飯同味噌鮮魚湯，湯好飲魚嘅鮮味十足。
❤️日本新瀉越光米白飯無限添加👍
1️⃣蕃茄沙律，蕃茄多汁香甜，配埋黑醋酸汁，更加有胃口。
2️⃣淮山沙律，食落有啲似薯仔沙律。
3️⃣和牛法包，入口夠晒香脆，和牛味道濃郁食到舔舔脷。
4️⃣粟米天婦羅
脆脆嘅口感，乾身唔油，香甜又多汁好食！
5️⃣烤鰻魚
魚皮咬落微微香脆，魚肉質感嫩滑，值得推介。
6️⃣雪糕糯米糍做甜品。
7️⃣鐵板牛舌芯配白飯
牛舌芯咬落口感唔乾，保持嫩滑爽口，另有三款醬汁（蒜汁、青椒汁、果味燒汁）特別喜歡青椒汁，微微帶出一點辛辣，一定要加幾滴檸檬汁，食落更開胃亦冇咁膩，炒洋蔥配搭牛舌芯，清爽帶出層次感。
8️⃣燒A5宮崎牛西冷海膽三文魚籽蓋飯套餐 ＋＄168
送上枱時嘅盒子好搶眼，擺盤都好吸引，海膽加閃令令嘅三文魚籽，仲有燒到啱啱好嘅 A5和牛，牛肉好嫩滑，每一口都感到好豐富同滿足。
