我就搵到呢一間串Grill好多人介紹
一入到去，職員好快手就安排好座位比我哋。全落地玻璃，光線好充足，環境闊落
職員安排好座位後就會逐一介紹醬汁，夠細心
另外都有提供生酮醬汁選擇，係方間比較少有
適合Keto Diet 嘅吃貨們🤭 
另外，飲品方面都有提供到無糖烏龍茶
燕麥奶等等。
事不宜遲，即刻order串燒。係用QR code 落單，方便得黎又唔怕漏單🤭 自己點過咩串燒都一目了然
一落完，五分鐘就上哂串燒值得一讚，2個鐘時間完全唔怕燒唔切食唔飽
溫馨提示：燒汁等到食物燒到7成熟再落，就唔怕食物表面燶，而入面未熟嘅情況啦
另外分別有3款味粉，孜然粉，咖哩粉，同辣粉。個人推薦落辣粉加孜然粉，味道一流
只要將串燒個齒輪⚙️對準條輸送帶就可以解放雙手，望住串燒360度自轉，完全唔洗擔心燒燶食物🤭串串都可以燒出完美嘅金黃色
雞骨軟脆卜卜💕 會忍唔住再order 多幾串食🤭而魚蛋年糕，外脆內軟年糕超煙靭
另外特別推介係雞卷，外皮脆內juicy。已經預先醃好咗
好入味可以唔使特別再落醬～而雞皮，燒到半熟時，自己再用夾攤開小小繼續燒，就可以做到成塊都係脆卜卜嘅口感啦🐓
食飽飽，就到第2個胃嘅時間😂係呀，無聽錯，甜品都係以串燒做賣點
分別有雞蛋仔，棉花糖，甜薯，菠蘿🍍等
燒菠蘿我就落柚子醬燒，做到外皮有小小脆脆地嘅效果，好似焦糖菠蘿🍍甜甜酸酸
記得燒棉花糖時要小心呵護啊
因為一路燒會一路發脹好容易會好似我地咁樣跌咗粒棉花糖落去😂到食串燒雞蛋仔，有驚喜
超好食大愛💕質地似Pancake 仔，外面微脆，內裏軟綿綿，甜度適中💕🥞用餐時間差唔多到嘅時，職員拎Häagen-Dazs雪糕🍦大家可以用嚟襯pancake食
而值得讚揚嘅係個爐抽風系統做得好好，全程燒烤都無咩油煙
而火力都好平均，燒烤過程輕鬆～係一個好好嘅燒烤體驗
