響 - Hibiki 日本燒肉 (Closed)

一班朋友聚下，今次唔打邊爐，食燒肉。依到燒肉放題，仲有魚生任食。今次一行4人，有喜之次同龍蝦送。燒肉：和牛，牛肉種類方面係相對其他肉類，比較多。和牛胸腹肉，和牛肉眼最為好食。胸腹肉肉味重，油脂少d。和牛肉眼既油脂最重，一入口，就出晒黎。米澤三元豚西冷豚肉來說，唔頹。爽口，豬味出。燒完食，面就香口，同行朋友大愛。 喜之次雖然係送，但唔差。魚肉唔削，實肉，而且啖啖肉。就算唔落調味，都好好味。熟食波士頓龍蝦諗住會好嚡口，但又唔係。啖啖肉，但又未至於好嚡。估唔到送既食物都唔差。依到飲品，唔止平時放題會有既飲品，仲有梅酒，可以一試。